Пакаленне вайны

Пакаленне вайны – трэцяя кніга тэтралогііі “Штодзённае жыццё беларусаў Беласточчыны”. Кніга ахоплівае перыяд вайны і акупацыі – 1939-1944 гады. Так, як і папярэднія часткі тэтралогіі, яна базуецца на ўспамінах сведкаў мінулых гадоў і мінулых здарэнняў. Людзі, чыя памяць захавана на старонках кнігі, у часы вайны былі падлеткамі, часам, нават, дзяцьмі. Іх успрыняцце свету і моцныя перажыванні, звязаныя з акупацыяй, напаўняюць кнігу эмоцыямі і скрайнымі пачуццямі. Успамінаючы падзеі 1939-1944, з перспектывы сённяшняга дня, героі кнігі бачаць усе хібы, усе памылкі, усё тое, чаго можна было пазбегнуць, калі б на тыя часы мець сённяшні розум, але, зразумела, гэты сённяшні розум і сфарміраваўся дзякуючы тым, ужо далёкім сёння, падзеям. Кніга падзелена на часткі згодна з храналогіяй падзей. Першыя ўспаміны датуюцца вераснем 1939 года – пачаткам вайны. Савецкая акупацыя, нямецка-савецкая вайна, нямецкая акупацыя – кожнай з частак прыпадаюць свае ўспаміны, свае адносіны да тых ці іншых падзей, свае спадзяванні на лепшую будучыню.

• Месца выхаду: Беласток
• Дата выхаду: 2003
• Рэдактар: Луба Віталь
• Выдавец: Праграмная Рада Тыднёвіка Ніва
• ISBN: 83-917349-1-9
• Катэгорыя: Гісторыя, Грамадзтва
• Copyright: © 2003 by Праграмная Рада Тыднёвіка Ніва
• Кнігазбор: Kamunikat.org, Каталёг БГТ, Каталёг EEDC, Каталёг MiOKB, Прыватны каталёг
• Інвэнтарныя нумары: BTH — 735, 736, EEDC — 3196, 3196-2, MiOKB — 10588
• Дадатковая даведка: Zrealizowano przy pomocy finansowej: Prezydenta Miasta Białegostoku i Centrum Edukacji Obywatelskiej Polska-Białoruś Выданьне публікуецца тут за ласкавай згодай Праграмнай Рады Тыднёвіка Ніва