Галоўная старонка / Выдаўцы і выдавецтвы / Праграмная рада тыднёвіка беларусаў у Польшчы Ніва /

Праграмная рада тыднёвіка беларусаў у Польшчы Ніва

„Ніва” выдаецца ў Беластоку ад 1956 года. Кожны яе выпуск датуецца нядзеляй. У Беластоку газета трапляе ў продаж у чацвер, які гэту нядзелю папярэджвае. Нашу старонку ў Інтэрнэце абнаўляем раней — у аўторак да 12 гадзіны польскага часу (GMT+1).

Інтэрнэт з’яўляецца той прасторай, у якой беларуская мова можа адчуваць сябе поўнасцю свабодна. У рэальным жыцці — незалежна ад геаграфічных каардынат — прасторы такой няшмат. Таму на нашых электронных старонках мы вырашылі аддаць перавагу слову (перагружаць іх графікай не будзем — ні цяпер, ні ў будучым).

Вы знойдзеце на гэтых старонках, між іншым, поўны выпуск нашай газеты — ён згодны па тыпаграфіі са сваім варыянтам на паперы. Робім гэта з думкай пра чытача ў Беларусі, у якой у пачатку 90-х гадоў спынілася распаўсюджванне нашага тыднёвіка шляхам міждзяржаўнай дамоўленасці. На працягу ўсёй дэкады распаўсюджванне ніколі не ўзнавілася. Цана нашай газеты (на польскія ўмовы крышку ніжэйшая за сярэднюю) у перакладзе на эканамічную рэальнасць Беларусі робіць тыднёвік недаступным шырэйшай чытацкай публіцы. Дзякуючы гэтай старонцы Вы зможаце перапісаць кожны выпуск „Нівы” ў свой камп’ютэр, аддрукаваць яго, прачытаць, а мабыць і пазычыць знаёмым, якія цікавяцца жыццём беларусаў у Польшчы.

А пішацца-ж наша газэта наркомаўскім правапісам. Гэта ні пратэст супраць чаго-небудзь, ні падтрымка чаму-небудзь. Прычына цалкам іншая, чытач у кожным кутку сьвету павінен яе зразумець — газэта выкарыстоўваецца ў якасьці дапаможніка ў тых школах Беласточчыны, у якіх вядзецца яшчэ навучаньне беларускай мовы. А навучаецца яна паводле тае нормы, для якое йснуюць падручнікі. У выпадку, калі-б Рэспубліка Беларусь прызнала беларускую мову як сваю дзяржаўную й пачала сваіх дзяцей вучыць чытаць і пісаць зь мяккім знакам — інакш выглядала-б навучаньне мовы на Беласточчыне, іначай пісалася-б наша газэта. Душою й сэрцам мы за мяккім знакам, але ж і жыцьцё ставіць свае ўмовы.

Тэкст www.niva.iig.pl

Праграмная рада тыднёвіка беларусаў у Польшчы Ніва. Выданьні

pdf

Ніва 30 (2359)

тыднёвік беларусаў у Польшчы

10 ліпеня 1994 года пасля другога тура выбараў прэзідэнтам Беларусі стаў Аляксандр Лукашэнка. Большасць грамадзян Беларусі галасавала на маладога тады палітыка ў надзеі, што створыць ён, як абяцаў, эканамічны дабрабыт, справядлівасць і верне ўладзе моцна паднішчаны трохгадовым кіраваннем дзяржавай Вячаславам... Болей »

pdf

Ніва 29 (2358)

тыднёвік беларусаў у Польшчы

У страшэнных канвульсіях зыходзіць салідарніцкі ўрад Ежы Бузка. Сваркам паміж партыйнымі дзеячамі і карупцыйным скандалам няма канца. Усе і ўсіх абвінавачваюць у ашуканстве, дзейнасці ў некарысць інтарэсам дзяржавы і грамадства. Спецслужбы змагаюцца з пракуратурай, міністэрства нацыянальнай абароны —... Болей »

pdf

Ніва 28 (2357)

тыднёвік беларусаў у Польшчы

У днях 17-30 чэрвеня г.г. Кафедра беларускай культуры Універсітэта ў Беластоку правяла Міжнародную гуманітарную школу Цэнтральнай і Усходняй Еўропы. Арганізавана яна была ў рамках Цэнтра даследаванняў над антычнай традыцыяй Варшаўскага універсітэта. Удзельнічалі ў ёй маладыя навукоўцы з Беларусі, Польшчы... Болей »

pdf

Ніва 27 (2356)

тыднёвік беларусаў у Польшчы

Напярэдадні шасцідзесятай гадавіны нямецка-савецкай вайны беластоцкі Інстытут нацыянальнай памяці правёў канферэнцыю, якая мела вызначыць вобраз грамадстваў Польшчы, Беларусі, Украіны і Літвы ў час змены ўлады — у чэрвені і ліпені 1941 г. Палова выступленняў была прысвечана Беласточчыне. Тэма была выклікана... Болей »

pdf

Ніва 26 (2355)

тыднёвік беларусаў у Польшчы

У пачатку 1990-х гадоў, калі на ўсход ад Беласточчыны нараджалася беларуская дзяржаўнасць, заўважалася і ў нас нешта такое, што можна было б назваць адраджэннем беларускасці. Ствараліся новыя арганізацыі, а іх дзеячы ў сапраўднасці хацелі стварыць новы свет. Нават бэгэкатоўскія народныя фэсты, якія тады... Болей »

pdf

Ніва 25 (2354)

тыднёвік беларусаў у Польшчы

Першаіерарх Польскай аўтакефальнай Праваслаўнай царквы мітрапаліт Сава 8 чэрвеня 2001 г. атрымаў званне ганаровага доктара Беластоцкага універсітэта, на якім узначальвае Кафедру праваслаўнай тэалогіі. Гэта пятая асоба ўзнагароджаная ў такі спосаб беластоцкай вучэльняй. Перад ім ганаровае званне атрымалі... Болей »

pdf

Ніва 24 (2353)

тыднёвік беларусаў у Польшчы

У юбілейным ХХ Міжнародным фестывалі царкоўнай музыкі, які працягваўся з 27 мая па 3 чэрвеня г.г. у Свята-Троіцкім саборы ў Гайнаўцы, прынялі ўдзел 30 хораў з Польшчы, Беларусі, Расіі, Украіны, Славакіі, Балгарыі, Югаславіі, Македоніі, Румыніі, Эстоніі, Грузіі, Латвіі і Літвы. Сёлета выступалі адны лаўрэаты... Болей »

pdf

Ніва 23 (2352)

тыднёвік беларусаў у Польшчы

Набліжаецца шасцідзесятая гадавіна нападу гітлераўскай Нямеччыны на Савецкі Саюз. З гэтай нагоды ў Беларусі запланаваны некалькі канферэнцый і навуковых сустрэч для абмеркавання падзеі, якая ў грамадстве рэспублікі ўсё яшчэ выклікае вялікія эмоцыі. Адна з такіх канферэнцый прайшла 25-26 траўня ў Мінску.... Болей »

pdf

Ніва 22 (2351)

тыднёвік беларусаў у Польшчы

У вёсцы Новаберазова маладых гаспадароў мала. Самую вялікую частку жыхароў складаюць пенсіянеры. Некаторыя дамы пустуюць. Ева Мароз-Кэчынская разам са сваім мужам Андрэем пераўтварае бацькаву хату і гаспадарчыя будынкі ў Новаберазове ў музейныя аб’екты. Нядаўна яны закончылі першы этап рамонтных работ... Болей »

pdf

Ніва 21 (2350)

тыднёвік беларусаў у Польшчы

— Лёгкія былі сёлетнія тэмы, — заявіла Аліна Лісіцкая, выйшаўшы з пісьмовага матуральнага экзамену па беларускай мове. Згодны з ёю былі іншыя выпускнікі Гайнаўскага белліцэя, якія пісалі пра творчасць любімых пісьменнікаў: Максіма Багдановіча, Якуба Коласа і Янкі Купалы. У Комплексе школ з дадатковым... Болей »

Камунікат.org – Беларуская Інтэрнэт-Бібліятэка

Пры выкарыстаньні матэрыялаў у друку спасылка на крыніцу інфармацыі абавязковая.
Пры выкарыстаньні матэрыялаў у Інтэрнэце прамая гіпэрспасылка на Kamunikat.org абавязковая.
Ідэя сайту Яраслаў Іванюк