Галоўная старонка / Выдаўцы і выдавецтвы / Праграмная рада тыднёвіка беларусаў у Польшчы Ніва /

Праграмная рада тыднёвіка беларусаў у Польшчы Ніва

„Ніва” выдаецца ў Беластоку ад 1956 года. Кожны яе выпуск датуецца нядзеляй. У Беластоку газета трапляе ў продаж у чацвер, які гэту нядзелю папярэджвае. Нашу старонку ў Інтэрнэце абнаўляем раней — у аўторак да 12 гадзіны польскага часу (GMT+1).

Інтэрнэт з’яўляецца той прасторай, у якой беларуская мова можа адчуваць сябе поўнасцю свабодна. У рэальным жыцці — незалежна ад геаграфічных каардынат — прасторы такой няшмат. Таму на нашых электронных старонках мы вырашылі аддаць перавагу слову (перагружаць іх графікай не будзем — ні цяпер, ні ў будучым).

Вы знойдзеце на гэтых старонках, між іншым, поўны выпуск нашай газеты — ён згодны па тыпаграфіі са сваім варыянтам на паперы. Робім гэта з думкай пра чытача ў Беларусі, у якой у пачатку 90-х гадоў спынілася распаўсюджванне нашага тыднёвіка шляхам міждзяржаўнай дамоўленасці. На працягу ўсёй дэкады распаўсюджванне ніколі не ўзнавілася. Цана нашай газеты (на польскія ўмовы крышку ніжэйшая за сярэднюю) у перакладзе на эканамічную рэальнасць Беларусі робіць тыднёвік недаступным шырэйшай чытацкай публіцы. Дзякуючы гэтай старонцы Вы зможаце перапісаць кожны выпуск „Нівы” ў свой камп’ютэр, аддрукаваць яго, прачытаць, а мабыць і пазычыць знаёмым, якія цікавяцца жыццём беларусаў у Польшчы.

А пішацца-ж наша газэта наркомаўскім правапісам. Гэта ні пратэст супраць чаго-небудзь, ні падтрымка чаму-небудзь. Прычына цалкам іншая, чытач у кожным кутку сьвету павінен яе зразумець — газэта выкарыстоўваецца ў якасьці дапаможніка ў тых школах Беласточчыны, у якіх вядзецца яшчэ навучаньне беларускай мовы. А навучаецца яна паводле тае нормы, для якое йснуюць падручнікі. У выпадку, калі-б Рэспубліка Беларусь прызнала беларускую мову як сваю дзяржаўную й пачала сваіх дзяцей вучыць чытаць і пісаць зь мяккім знакам — інакш выглядала-б навучаньне мовы на Беласточчыне, іначай пісалася-б наша газэта. Душою й сэрцам мы за мяккім знакам, але ж і жыцьцё ставіць свае ўмовы.

Тэкст www.niva.iig.pl

Праграмная рада тыднёвіка беларусаў у Польшчы Ніва. Выданьні

pdf

Ніва 40 (2361)

тыднёвік беларусаў у Польшчы

Вынік парламенцкіх выбараў у Польшчы яшчэ раз даказвае, што ва Усходняй Еўропе няма краіны, у якой магчыма прадбачыць ход палітычных падзей. Хаця не здзіўляе факт дэкласацыі партый, якія чатыры гады кіравалі краінай, але ў Заходняй Еўропе такога паражэння не бывае. Кампраметацыя салідарніцкага лагера... Болей »

pdf

Ніва 39 (2368)

тыднёвік беларусаў у Польшчы

Тры дні пасля прэзідэнцкіх выбараў у Беларусі няма амаль ніякага следу падзеі, якая прыцягвала ўвагу паловы Еўропы. Ніякіх плакатаў, ніякіх рэклам кандыдатаў — ні ў Мінску, ні ў правінцыйных мястэчках. Калі б чалавек не ведаў, што пару дзён раней адбыліся там прэзідэнцкія выбары, не заўважыў бы гэтага... Болей »

pdf

Ніва 38 (2367)

тыднёвік беларусаў у Польшчы

Ніякіх грамадскіх эмоцый не выклікае сёлетняя выбарчая кампанія ў парламент. Палякі, як ніколі раней, перасталі давяраць людзям, якія называюць сябе палітыкамі. Паводле сацыялагічных апытанняў звыш 40 працэнтаў рэспандэнтаў заяўляе, што ўвогуле не пойдзе на выбары. Шмат хто адкрыта аргументуе сваю адсутнасць... Болей »

pdf

Ніва 37 (2366)

тыднёвік беларусаў у Польшчы

17 верасня 1939 г. Чырвоная Армія перасякла межы Польшчы і на поўначы заняла тэрыторыю па ліні рэк Піса, Нарва і Буг. Уся Беласточчына і Ломжынскі павет Варшаўскага ваяводства апынуліся пад савецкім панаваннем, а неўзабаве былі далучаны да Беларускай Савецкай Сацыялістычнай Рэспублікі. Уваход Чырвонай... Болей »

pdf

Ніва 36 (2365)

тыднёвік беларусаў у Польшчы

24 жніўня гэтага года ўлады Украіны ладзілі гучнае святкаванне дзесятай гадавіны незалежнасці дзяржавы. Не шкадавалі на гэта грошай, хаця бюджэт краіны паказвае на яе гаспадарчае банкруцтва. Аднак украінцы прадэманстравалі прысутнаму ў Кіеве прэзідэнту Расіі Уладзіміру Пуціну, што са шляху да незалежнасці... Болей »

pdf

Ніва 35 (2364)

тыднёвік беларусаў у Польшчы

„Спынім рост бяды, ажывім гаспадарку, зніжаючы падаткі”, — абяцае на выбарчай лістоўцы Ліга польскіх сем’яў. Як тут за яе не прагаласаваць? Хто з нас хоча жыць у бядзе, хто не хоча плаціць меншыя падаткі? Але зараз, зараз, Польская сялянская партыя мае таксама цікавую гаспадарчую праграму. „Мы супраць... Болей »

pdf

Ніва 34 (2363)

тыднёвік беларусаў у Польшчы

— Я ўжо другі раз на гэтым свяце, — сказала мне Магда Шыманюк з Беластока. — У Мельніку мы праводзім канікулы ўсёй сям’ёю. Тут мне так падабаецца, што буду прыязджаць сюды, калі толькі будзе магчымасць. Магда мела на ўвазе як самую мясцовасць, так і мерапрыемства, на якім мы гутарылі, а менавіта „Музычныя... Болей »

pdf

Ніва 33 (2362)

тыднёвік беларусаў у Польшчы

Ужо некалькі гадоў з пачаткам ліпеня ў Польшчы мяняецца характар дзейнасці большасці публічных устаноў. Зразумела, што ў канікулярны час традыцыйна пустуюць школы і універсітэты — там, апрача дзяжурнай сакратаркі, цяжка каго-небудзь сустрэць. Зусім аднак невядома, чаму пануе пустэча ў большасці адміністрацыйных... Болей »

pdf

Ніва 32 (2361)

тыднёвік беларусаў у Польшчы

У другой палове ліпеня над Польшчай прайшлі навальніцы, у выніку якіх, як і чатыры гады таму, вада заліла палову краіны. Разам з прыходам дэмакратыі заўсёды, калі толькі восенню маюць адбыцца парламенцкія выбары, летам неба пачынае плакаць і становіцца так мокра, што людзям вада вокнамі ў хаты ўліваецца.... Болей »

pdf

Ніва 31 (2360)

тыднёвік беларусаў у Польшчы

У адрозненні ад рэдакцыйных калегаў на сёлетняе „Басовішча” я паехаў не дзеля музыкі, але па звычайнай цікаўнасці пабачыць як выглядае свет альтэрнатыўнай культуры, беларускі Яроцін. У плынях сучаснай авангарднай музыкі зусім не разбіраюся, таму маю ўвагу прыцягвала перш за ўсё спантаннасць тэатральных... Болей »

Камунікат.org – Беларуская Інтэрнэт-Бібліятэка

Пры выкарыстаньні матэрыялаў у друку спасылка на крыніцу інфармацыі абавязковая.
Пры выкарыстаньні матэрыялаў у Інтэрнэце прамая гіпэрспасылка на Kamunikat.org абавязковая.
Ідэя сайту Яраслаў Іванюк