Галоўная старонка / Выдаўцы і выдавецтвы / Праграмная рада тыднёвіка беларусаў у Польшчы Ніва /

Праграмная рада тыднёвіка беларусаў у Польшчы Ніва

„Ніва” выдаецца ў Беластоку ад 1956 года. Кожны яе выпуск датуецца нядзеляй. У Беластоку газета трапляе ў продаж у чацвер, які гэту нядзелю папярэджвае. Нашу старонку ў Інтэрнэце абнаўляем раней — у аўторак да 12 гадзіны польскага часу (GMT+1).

Інтэрнэт з’яўляецца той прасторай, у якой беларуская мова можа адчуваць сябе поўнасцю свабодна. У рэальным жыцці — незалежна ад геаграфічных каардынат — прасторы такой няшмат. Таму на нашых электронных старонках мы вырашылі аддаць перавагу слову (перагружаць іх графікай не будзем — ні цяпер, ні ў будучым).

Вы знойдзеце на гэтых старонках, між іншым, поўны выпуск нашай газеты — ён згодны па тыпаграфіі са сваім варыянтам на паперы. Робім гэта з думкай пра чытача ў Беларусі, у якой у пачатку 90-х гадоў спынілася распаўсюджванне нашага тыднёвіка шляхам міждзяржаўнай дамоўленасці. На працягу ўсёй дэкады распаўсюджванне ніколі не ўзнавілася. Цана нашай газеты (на польскія ўмовы крышку ніжэйшая за сярэднюю) у перакладзе на эканамічную рэальнасць Беларусі робіць тыднёвік недаступным шырэйшай чытацкай публіцы. Дзякуючы гэтай старонцы Вы зможаце перапісаць кожны выпуск „Нівы” ў свой камп’ютэр, аддрукаваць яго, прачытаць, а мабыць і пазычыць знаёмым, якія цікавяцца жыццём беларусаў у Польшчы.

А пішацца-ж наша газэта наркомаўскім правапісам. Гэта ні пратэст супраць чаго-небудзь, ні падтрымка чаму-небудзь. Прычына цалкам іншая, чытач у кожным кутку сьвету павінен яе зразумець — газэта выкарыстоўваецца ў якасьці дапаможніка ў тых школах Беласточчыны, у якіх вядзецца яшчэ навучаньне беларускай мовы. А навучаецца яна паводле тае нормы, для якое йснуюць падручнікі. У выпадку, калі-б Рэспубліка Беларусь прызнала беларускую мову як сваю дзяржаўную й пачала сваіх дзяцей вучыць чытаць і пісаць зь мяккім знакам — інакш выглядала-б навучаньне мовы на Беласточчыне, іначай пісалася-б наша газэта. Душою й сэрцам мы за мяккім знакам, але ж і жыцьцё ставіць свае ўмовы.

Тэкст www.niva.iig.pl

Праграмная рада тыднёвіка беларусаў у Польшчы Ніва. Выданьні

pdf

Ніва 8 (2389)

тыднёвік беларусаў у Польшчы

З трыццатых гадоў, калі савецкая палітычная паліцыя выкрыла ў Беларусі нелегальную Польскую вайсковую арганізацыю, у свядомасці прасавецкіх беларусаў з’явіўся сіндром польскага шпіёна. У дзевяностыя гады ўсялякая апазіцыйная дзейнасць бачылася ў грамадстве як вынік польскай інтрыгі, мэтай якой было паслабленне... Болей »

pdf

Ніва 7 (2388)

тыднёвік беларусаў у Польшчы

Тады, калі ўрад Рэчы Паспалітай пазбаўляе меншасцей датацыі на культурную і выдавецкую дзейнасць, у гродзенскім польскамоўным часопісе „Glos znad Niemna” (н-р 4) друкуецца артыкул старшыні Саюза палякаў Беларусі, доктара Тадэуша Кручкоўскага, у якім аўтар даказвае як цудоўна жылося і жывецца беларусам... Болей »

pdf

Ніва 6 (2387)

тыднёвік беларусаў у Польшчы

У гэтым годзе неяк зусім не адчуваецца карнавальнага настрою. Можа калі б чалавек не чытаў газет, не ўключаў ні тэлевізара, ні радыёпрыёмніка, не сустракаўся з суседзямі і не чуў пра дэмаралізаваных лекараў, паліцыянтаў, чыноўнікаў, палітыкаў, можа інакш успрымаў бы свет, які нас акружае. Напрыклад... Болей »

pdf

Ніва 5 (2386)

тыднёвік беларусаў у Польшчы

Пасля доўгіх гадоў чакання і многаразовых запрашэнняў Аляксандрам Кваснеўскім, у Польшчу нанёс візіт прэзідэнт Расійскай Федэрацыі Уладзімір Пуцін. Ацэньваючы гэты факт на падставе таго, што гаварылася палітыкамі і журналістамі ў польскім тэлебачанні, па радыё ці пісалася ў газетах, Пуціна чакалі ў Варшаве... Болей »

pdf

Ніва 4 (2385)

тыднёвік беларусаў у Польшчы

Некаторыя беластоцка-варшаўскія вучоныя публічна часам заяўляюць, што гісторыя Беларусі пачалася з кастрычніцкай рэвалюцыі. Веды пра Беларусь нават сярод тых, якія называюць сябе беларусазнаўцамі, часам абмяжоўваюцца да савецкіх прапагандысцкіх лозунгаў або міфалогіі з польскіх падручнікаў па гісторыі.... Болей »

pdf

Ніва 3 (2384)

тыднёвік беларусаў у Польшчы

Пасля шматгадовага перапынку ў Еўропу завітала зіма. Такая звычайная, якая раней бывала кожны год і пачыналася напрыканцы лістапада, а канчалася ў палове сакавіка. Ніхто раней нават не здзіўляўся, калі прачнуўшыся пабачыў снегу вышэй вокнаў. У снежні ці студзені гэта была зусім нармальная з’ява. На вёсцы... Болей »

pdf

Ніва 2 (2383)

тыднёвік беларусаў у Польшчы

Тэрарызм — слова, якое ў апошніх месяцах стала найбольш папулярным у сродках масавай інфармацыі. Паводле Тлумачальнага слоўніка беларускай мовы (т. 5, 1983) тэрор — гэта „палітыка расправы з палітычнымі і класавымі праціўнікамі з прымяненнем насілля аж да фізічнага знішчэння”. Згодна гэтаму азначэнню... Болей »

pdf

Ніва 1 (2382)

тыднёвік беларусаў у Польшчы

Палітыка польскай дзяржавы ў адносінах да нацыянальных меншасцей амаль ад 1918 г. вядзецца цыклічна. Натуральным, можна сказаць інстынктыўна вызначаным напрамкам дзейнасці палітычных элітаў краіны, нягледзячы на іх левую, правую, ці цэнтрысцкую арыентацыю, было імкненне да асіміляцыі няпольскага насельніцтва.... Болей »

pdf

Ніва 52 (2373)

тыднёвік беларусаў у Польшчы

З вялікім аптымізмам мільёны людзей ва ўсім свеце віталі нядаўна новае тысячагоддзе. Першы год, які толькі што мінае, паказаў, што яго пачатак жыхарам нашай планеты не будзе ні ласкавы, ні шчодры. Гаспадарка ва ўсім свеце апынулася ў стадыі, якая напамінае канец дваццатых гадоў мінулага стагоддзя, а... Болей »

pdf

Ніва 51 (2372)

тыднёвік беларусаў у Польшчы

Пабываючы ў канцы лістапада ў Магілёве на канферэнцыі, прысвечанай перыядызацыі гісторыі Беларусі, у выступленнях большасці калег з Рэспублікі Беларусь пачуў я тэзіс, што да падзелаў Рэчы Паспалітай беларусы жылі ў сваёй дзяржаве. Паўстанне Касцюшкі, лістападаўскае і студзеньскае паўстанні ўлічвалі яны... Болей »

Камунікат.org – Беларуская Інтэрнэт-Бібліятэка

Пры выкарыстаньні матэрыялаў у друку спасылка на крыніцу інфармацыі абавязковая.
Пры выкарыстаньні матэрыялаў у Інтэрнэце прамая гіпэрспасылка на Kamunikat.org абавязковая.
Ідэя сайту Яраслаў Іванюк