Тут і цяпер (Свабода) 17.03.2010

Ці стане Арынока шчаслівай ракой для беларусаў? Чарговы візіт у Каракас Аляксандра Лукашэнкі поўнасцю супаў па часе з прыездам Уладзіміра Пуціна ў Брэст. Па “дзіўным збегу акалічнасцей”. Пры гэтым супадзенне адбылося не толькі па часе, але і па сутнасці перамоў. Адным з найважнейшых пытанняў, што ўваходзілі ў парадак дня расійскага прэм’ера, якога па-ранейшаму шмат хто ў Расіі дый ва ўсім свеце бачыць лідарам РФ, стаіць паліўнае. Па “дзіўным збегу” акалічнасцей менавіта гэтае пытанне дамінуе і падчас сустрэчы беларускага і венесуэльскага прэзідэнтаў. Вядомы расійскі партал gazeta.ru зрабіў асноўным матэрыялам артыкул пад назвай “Лукашэнка знайшоў замену Пуціну”. Пачынаецца ён наступным чынам: “Прэзідэнт Беларусі Аляксандр Лукашэнка напярэдадні візіту Уладзіміра Пуціна ў Мінск раптоўна з’ехаў у Венесуэлу. Лукашэнка аддаў перавагу не перамовам з Пуціным, а сустрэчы з Уга Чавесам, які пагадзіўся прадаваць Беларусі 80 тысяч барэляў нафты штодзённа. Венесуэльская нафта стане заменай расійскай”.

• Дата выхаду: 2010-03-17
• Рэдактар: Уласаў А.
• Выдавец: ТАА Тут і цяпер
• Copyright: © 2010 by Тут і цяпер
• Кнігазбор: Kamunikat.org