Наста Кудасава: Для мяне зараз галоўнае не страціць пачуццё натхнення

2023-03-24 11:17

:/:

У эміграцыі кантакт з калегамі адбываецца часцей, чым у Беларусі, а таксама стала яшчэ больш магчымасцяў для творчых сустрэч.

Пра гэта распавяла паэтка Наста Кудасава, што часова жыве ў Польшчы праз палітычную сітуацыю на радзіме. Яна адзначыла, што галоўнае – працягваць пісаць:

– Калі казаць пра творчасць, то для мяне прыярытэтным застаецца сам факт творчасці. Для паэта найгалоўнейшае – гэта пісаць. Проста каб яно адбывалася. То бок я зараз у такім стане, калі ўсе сілы кінутыя, каб выжыць, таму што варункі даволі цяжкія, варункі новыя. І я разумею, што найперш для мяне галоўнае не нейкі набытак – кнігі, прэзентацыі. А для мяне галоўнае проста не страціць гэтае пачуццё натхнення.

Наста Кудасава дадала, што пакуль яна сама актыўна не прымае ўдзел у мерапрыемствах як выступоўца, паколькі чакае, калі фізічна будуць выдадзеныя яе кнігі. А разам з накладам можна ехаць на прэзентацыі і сустрэчы з чытачамі.

Беларускае Радыё Рацыя

Крыніца: Беларускае Радыё Рацыя

Камунікат.org – Беларуская Інтэрнэт-Бібліятэка

Пры выкарыстаньні матэрыялаў у друку спасылка на крыніцу інфармацыі абавязковая.
Пры выкарыстаньні матэрыялаў у Інтэрнэце прамая гіпэрспасылка на Kamunikat.org абавязковая.
Ідэя сайту Яраслаў Іванюк