Індэкс ураджэнцаў Беларусі, рэпрэсаваных у 1920-1950-я гг. ў Заходняй-Сібіры

Нягледзячы на шматлікія супярэчнасці і складанасці кожны рэгіён або вобласць на Беларусі маюць выданні, якія на рэгіянальным узроўні сабралі ў сабе спісы рэпрэсаваных у сталінскія часы людзей. Тым не менш, казаць пра іх паўнату і грунтоўнасць пакуль не прыходзіцца. Хіба што толькі разам, у спалучэнні дадзеныя выданні больш-менш адлюстроўваюць рэальную карціну. Праца Ігара Кузняцова "Індэкс ураджэнцаў Беларусі, рэпрэсаваных у 1920-1950-я гг. ў Заходняй-Сібіры" адна з першых спробаў стварыць поўны і грунтоўны спіс пацярпелых. Даследчык найбольш актыўна працуе над праблемай рэабілітацыі незаконна асуджаных і знішчаных людзей. Мэта яго даследаванняў - не дапусціць змоўчвання. Гісторык канстатуе, што адным з трагічных момантаў рэпрэсій сталі не толькі мільёны смерцяў, але таксама і люмпенізаванае грамадства, заражанае гвалтам. Усё гэта зараз праяўляецца нават на сацыяльна-бытавым узроўні. Толькі ўсведамленне злачынстваў, разуменне немагчымасці паўтарэння гэтага, вырашыць праблему гвалту ў грамадстве.

• Месца выхаду: Менск
• Дата выхаду: 2002
• Выдавец: Архіў Найноўшай Гісторыі пры Грамадзкім Аб’яднаньні Дыярыуш
• Выдавецтва/ друкарня: Медысонт
• Памеры: 240c.
• ISBN: 985-6530-13-Х
• Катэгорыя: Гісторыя
• Copyright: © 2002 by Сэрыя "Беларускі Індэкс Рэпрэсаваных". Архіў Найноўшай Гісторыі пры Грамадзкім Аб’яднаньні "Дыярыуш", Ігар Кузьняцоў, аўтар-складальнік, Лявон Раманчык, графічны дызайн
• Кнігазбор: Kamunikat.org, Каталёг БГТ, Каталёг EEDC
• Інвэнтарныя нумары: BTH — 4649, EEDC — 201, 201-2, 201-3