Пульс Навальніц

Перад Вамі – першая кніга вершаў Маргарыты Латышкевіч, аднаго з пастаянных аўтараў часопіса “Маладосць” і штотыднёвіка “ЛіМ”. Творы, сабраныя ў зборніку, прысвечаныя самым розным тэмам: тут можна знайсці і філасофскія развагі, і пейзажныя замалёўкі, і ўрбаністычную лірыку (што нядзіўна для паэта-гараджаніна), нават – збольшага жартоўныя вершы. Гэтая кніжка прэзентуе станаўленне аўтара за апошнія некалькі гадоў, што само па сабе цікава. Апрача таго, пры ўсіх эксперыментах у форме і змесце, кожны твор скіраваны як да дыялогу з чытачом – з Вамі, – так і да дыялогу з папярэднікамі, з мэтрамі, з класікамі. Аўтар шчыра перакананы, што толькі ў суразмоўі, супрацоўніцтве чытача і пісьменніка палягае аснова плённай творчасці. Таму натуральна, што кніга арыентаваная на шырокае кола чытачоў – аматараў беларускага слова і проста цікаўных.

• Месца выхаду: Мінск
• Дата выхаду: 2012
• Выдавец: Четыре четверти
• Памеры: 60 с.
• ISBN: 978-985-7026-45-6
• Катэгорыя: Мастацкая літаратура
• Copyright: © 2012 by Маргарыта Латышкевіч
• Кнігазбор: Kamunikat.org