- Kamunikat.org
- Бібліятэка
- Кнігазборы
- Калекцыі
- Іншае
„Ніва” выдаецца ў Беластоку ад 1956 года. Кожны яе выпуск датуецца нядзеляй. У Беластоку газета трапляе ў продаж у чацвер, які гэту нядзелю папярэджвае. Нашу старонку ў Інтэрнэце абнаўляем раней — у аўторак да 12 гадзіны польскага часу (GMT+1).
Інтэрнэт з’яўляецца той прасторай, у якой беларуская мова можа адчуваць сябе поўнасцю свабодна. У рэальным жыцці — незалежна ад геаграфічных каардынат — прасторы такой няшмат. Таму на нашых электронных старонках мы вырашылі аддаць перавагу слову (перагружаць іх графікай не будзем — ні цяпер, ні ў будучым).
Вы знойдзеце на гэтых старонках, між іншым, поўны выпуск нашай газеты — ён згодны па тыпаграфіі са сваім варыянтам на паперы. Робім гэта з думкай пра чытача ў Беларусі, у якой у пачатку 90-х гадоў спынілася распаўсюджванне нашага тыднёвіка шляхам міждзяржаўнай дамоўленасці. На працягу ўсёй дэкады распаўсюджванне ніколі не ўзнавілася. Цана нашай газеты (на польскія ўмовы крышку ніжэйшая за сярэднюю) у перакладзе на эканамічную рэальнасць Беларусі робіць тыднёвік недаступным шырэйшай чытацкай публіцы. Дзякуючы гэтай старонцы Вы зможаце перапісаць кожны выпуск „Нівы” ў свой камп’ютэр, аддрукаваць яго, прачытаць, а мабыць і пазычыць знаёмым, якія цікавяцца жыццём беларусаў у Польшчы.
А пішацца-ж наша газэта наркомаўскім правапісам. Гэта ні пратэст супраць чаго-небудзь, ні падтрымка чаму-небудзь. Прычына цалкам іншая, чытач у кожным кутку сьвету павінен яе зразумець — газэта выкарыстоўваецца ў якасьці дапаможніка ў тых школах Беласточчыны, у якіх вядзецца яшчэ навучаньне беларускай мовы. А навучаецца яна паводле тае нормы, для якое йснуюць падручнікі. У выпадку, калі-б Рэспубліка Беларусь прызнала беларускую мову як сваю дзяржаўную й пачала сваіх дзяцей вучыць чытаць і пісаць зь мяккім знакам — інакш выглядала-б навучаньне мовы на Беласточчыне, іначай пісалася-б наша газэта. Душою й сэрцам мы за мяккім знакам, але ж і жыцьцё ставіць свае ўмовы.
Тэкст www.niva.iig.pl
Ад некалькіх месяцаў з Беларусі плывуць інфармацыі, што ўлады закрываюць адзіны ў Мінску ліцэй, у якім усё навучанне вялося на беларускай мове. Гэта славуты ўжо ліцэй імя Якуба Коласа. Выкладчыкамі працавалі ў ім мінскія інтэлектуалы, а якасць адукацыі дасягала універсітэцкага ўзроўню. Спробы ліквідаваць... Болей »
Не ведаю чаму ў беларускай палітычнай традыцыі ці гістарыяграфіі не заўважаецца дата 25 жніўня. У гэты дзень у 1991 г. Вярхоўны Савет БССР прыняў пастанову аб выступленні рэспублікі з Савецкага Саюза. Упершыню ад ранняга сярэднявечча ў Беларусі фактычная і фармальная ўлада была ў руках мясцовых элітаў... Болей »
Пры канцы васьмідзесятых гадоў сітуацыя нацыянальных меншасцей у Польшчы рашуча пачынала мяняцца ў лепшым напрамку. Адыход ад шавіністычнай лініі выразна адчувалася яшчэ ў час, калі пры ўладзе была апошняя камуністычная групоўка пад камандаваннем Вайцеха Ярузельскага. Афіцыйна прызналі тады існаванне... Болей »
Прэзідэнт Беларусі Аляксандр Лукашэнка, нягледзячы на ўсе хібы і непаразуменні, што ўзніклі апошнім часам у галіне „саюзнага будаўніцтва”, заўзята спрабуе выйсці на расійскае палітычнае поле. І для гэтага падвяргае сённяшняе кіраўніцтва Расіі такой крытыцы, якая старонняму назіральніку можа падацца ўмяшаннем... Болей »
Такую інфармацыю можна было прачытаць у беластоцкай штодзёнцы „Кур’ер паранны” 30 ліпеня г.г. Рэдактар Збігнеў Нікітаровіч бліжэй неакрэсленым шляхам атрымаў рапарт, ці яго фрагменты, Найвышэйшай кантрольнай палаты (НІК), у якім вычытаў, што наша рэдакцыя незаконна выкарыстала 174 тысячы злотых датацыі... Болей »
Вельмі цяжка цяпер заўважыць мяжу паміж горадам Беластокам і вёскай Засцянкі. Вуліца Баранавіцкая пачынаецца 4 кіламетры ад цэнтра Беластока, канчаецца ў гміне Супрасль і спалучае з горадам, апрача ўспомненых Засцянкаў, Грабоўку і Сабалева. Далей дарога вядзе проста да мяжы з Беларуссю. У кожнай з вёсак... Болей »
Дваццаць гадоў таму ніхто не мог прадбачыць, што Савецкі Саюз рассыплецца як муляж замка пабудаванага дзеля фільмавай прадукцыі. Савецкі Саюз, які пераняў спадчыну імперыі Раманавых, уяўляў у сапраўднасці бутафорыю дзяржавы. Бедна і пуста ўнутры краіны, а звонку — найвышэйшы ўзровень тэхналагічнага прагрэсу.... Болей »
Капіталізм, лібералізм, свабодны рынак так сама пасуе да менталітэту палякаў як беларусаў. Абедзве нацыі ўфармаваліся пад уплывам феадальнай традыцыі. Камунізм так моцна не розніцца ад феадалізму як ад усялякіх ліберальных грамадска-палітычных сістэм. У Беларусі забава ў дэмакратыю і рыначную эканоміку... Болей »
Апублікаваны тры тыдні таму Raport z wynikow narodowego spisu powszechnego ludnosci i mieszkan 2002 з’яўляецца вельмі цікавым, у большасці насычаным табліцамі, матэрыялам для аналізу. З некалькіх тысяч лічбаў вырысоўваецца грамадскі краявід Польшчы. Аднак, не надта аптымістычны. У 2002 г. у краіне было... Болей »
Вынікі перапісу насельніцтва з 2002 года для беларусаў вельмі аптымістычныя. Ёсць нас у Польшчы 48,7 тысяч. Амаль кожны трэці праваслаўны на Беласточчыне акрэсліў сябе беларусам. Ведаючы настроі ў Беластоку я спадзяваўся, што вынік атрымаецца напалову горшы. Калі ў 1983 г. я ўпершыню спрабаваў акрэсліць... Болей »