Галоўная старонка / Выдаўцы і выдавецтвы / Праграмная рада тыднёвіка беларусаў у Польшчы Ніва /

Праграмная рада тыднёвіка беларусаў у Польшчы Ніва

„Ніва” выдаецца ў Беластоку ад 1956 года. Кожны яе выпуск датуецца нядзеляй. У Беластоку газета трапляе ў продаж у чацвер, які гэту нядзелю папярэджвае. Нашу старонку ў Інтэрнэце абнаўляем раней — у аўторак да 12 гадзіны польскага часу (GMT+1).

Інтэрнэт з’яўляецца той прасторай, у якой беларуская мова можа адчуваць сябе поўнасцю свабодна. У рэальным жыцці — незалежна ад геаграфічных каардынат — прасторы такой няшмат. Таму на нашых электронных старонках мы вырашылі аддаць перавагу слову (перагружаць іх графікай не будзем — ні цяпер, ні ў будучым).

Вы знойдзеце на гэтых старонках, між іншым, поўны выпуск нашай газеты — ён згодны па тыпаграфіі са сваім варыянтам на паперы. Робім гэта з думкай пра чытача ў Беларусі, у якой у пачатку 90-х гадоў спынілася распаўсюджванне нашага тыднёвіка шляхам міждзяржаўнай дамоўленасці. На працягу ўсёй дэкады распаўсюджванне ніколі не ўзнавілася. Цана нашай газеты (на польскія ўмовы крышку ніжэйшая за сярэднюю) у перакладзе на эканамічную рэальнасць Беларусі робіць тыднёвік недаступным шырэйшай чытацкай публіцы. Дзякуючы гэтай старонцы Вы зможаце перапісаць кожны выпуск „Нівы” ў свой камп’ютэр, аддрукаваць яго, прачытаць, а мабыць і пазычыць знаёмым, якія цікавяцца жыццём беларусаў у Польшчы.

А пішацца-ж наша газэта наркомаўскім правапісам. Гэта ні пратэст супраць чаго-небудзь, ні падтрымка чаму-небудзь. Прычына цалкам іншая, чытач у кожным кутку сьвету павінен яе зразумець — газэта выкарыстоўваецца ў якасьці дапаможніка ў тых школах Беласточчыны, у якіх вядзецца яшчэ навучаньне беларускай мовы. А навучаецца яна паводле тае нормы, для якое йснуюць падручнікі. У выпадку, калі-б Рэспубліка Беларусь прызнала беларускую мову як сваю дзяржаўную й пачала сваіх дзяцей вучыць чытаць і пісаць зь мяккім знакам — інакш выглядала-б навучаньне мовы на Беласточчыне, іначай пісалася-б наша газэта. Душою й сэрцам мы за мяккім знакам, але ж і жыцьцё ставіць свае ўмовы.

Тэкст www.niva.iig.pl

Праграмная рада тыднёвіка беларусаў у Польшчы Ніва. Выданьні

pdf

Ніва 42 (2579) 2005

тыднёвік беларусаў у Польшчы

Цяжка не пагадзіцца з дэпутатам Яўгенам Чыквіным, які гаварыў „Ніве”, што пры кансалідацыі беларускага асяроддзя можа яно праз год у самаўрадавых выбарах увесці ў ваяводскі сеймік чатырох, а нават і пяцёх сваіх прадстаўнікоў. Пацвярджаюць гэта дэталёвыя вынікі парламенцкіх выбараў, апублікаваныя Дзяржаўнай... Болей »

pdf

Ніва 41 (2578) 2005

тыднёвік беларусаў у Польшчы

— Кожны з чатырох прэтэндэнтаў, якія хочуць стаць адзіным кандыдатам ад дэмакратычных сіл на маючых адбыцца ў 2006 годзе прэзідэнцкіх выбарах — варты гэтага пачэснага звання, — так ахарактарызаваў з трыбуны кангрэса сваіх калег па кааліцыі былы старшыня беларускага парламента Станіслаў Шушкевіч. — Я... Болей »

pdf

Ніва 40 (2577) 2005

тыднёвік беларусаў у Польшчы

Моладзевы рух заўжды быў істотным чыннікам грамадскага руху. Беларусь у гэтым плане не ёсць выняткам. Нацыянальнае адраджэнне 1980-х гадоў, наступствам якога стала ўсталяванне суверэннай дзяржавы, грунтавалася ці не найперш на моладзевых ініцыятывах і рухах. Варта згадаць хоць бы вальныя соймы беларускіх... Болей »

pdf

Ніва 39 (2576) 2005

тыднёвік беларусаў у Польшчы

У савецкім войску, нас, беларусаў, называлі бульбашамі. Ды і па ўсёй савецкай імперыі таксама. Складалася такое ўражанне, што бульба, акрамя як у Беларусі, нідзе больш не расце. Неяк, старшына роты, старшы прапаршчык, па нацыянальнасці ўкраінец, доўга мне расказваў як мусіць паводзіць сябе савецкі салдат.... Болей »

pdf

Ніва 38 (2575) 2005

тыднёвік беларусаў у Польшчы

Немцы чарговы раз дамовіліся з рускімі. Не, на гэты раз гэта нешта іншае, чым „знакамітая” Брэсцкая дамова 1918 года, калі яны старанна, каб не пакрыўдзіць адзін аднаго, дзялілі беларускія землі. І нават няма нічога агульнага з дамовамі канца трыццатых гадоў, калі беларусам „дазволілі” аб’яднаць заходнія... Болей »

pdf

Ніва 37 (2574) 2005

тыднёвік беларусаў у Польшчы

Доўгімі днямі ў маім шматкватэрным доме пануе грукат і ляскат. Пачынаецца гэта з раніцы і канчаецца позна ўвечары. Часам здараецца нават уночы. А доўжыцца гэта амаль цэлы год, можа з перапынкам на самыя кароткія зімовыя месяцы. Тых, каго я заінтрыгаваў, мушу расчараваць, бо гутарка не пра загадкавы полтаргейст... Болей »

pdf

Ніва 36 (2573) 2005

тыднёвік беларусаў у Польшчы

Лета, як заўсёды, прайшло хутка. І як заўсёды пад восень, заклапочаныя бацькі лётаюць па крамах і рынках, каб набыць для сваіх дзяцей усё неабходнае для школы. З першага верасня пачынаецца чарговы навучальны год. Хто не памятае гэтага дня, калі першы раз пайшоў у школу. Ці хто не памятае тае ўрачыстай... Болей »

pdf

Ніва 35 (2572) 2005

тыднёвік беларусаў у Польшчы

Пра неабходнасць стварэння незалежнай радыёстанцыі гаварылі даўно. Даўно планавалі, і нарэшце адважыліся. Можна было б парадавацца, але дзе там. Не туды тое. „Нямецкая хваля”, вырашыла на нейкі час радыёвяшчання стаць хваляй „рускай”. Дакладней не скажаш. Мова вяшчання мае быць выключна рускай. Адразу... Болей »

pdf

Ніва 34 (2571) 2005

тыднёвік беларусаў у Польшчы

Чацвер, 11 жніўня, быў страшны. Галава балела ад непраспанай ночы. Трэба было змантаваць цэлую тэлепраграму „Беларускі тыдзень” на бліжэйшую нядзелю. А тут пачасціліся званкі ад знаёмых і незнаёмых журналістаў, газет, радыё і тэлебачання з цэлае Польшчы. І ўсім расказвай тую самую гісторыю. Было так.... Болей »

pdf

Ніва 33 (2570) 2005

тыднёвік беларусаў у Польшчы

Пахаваным тут стралялі ў галаву. Сярод памардаваных былі жанчыны. Расправіліся тут м.інш. з беларусамі, палякамі, цыганамі, жыхарамі краін Прыбалтыкі — „ворагамі” СССР, „ворагамі народа”. Захаванню памяці аб замардаваных у Курапатах, на ўскраіне Мінска прыслужыўся адзін з лідэраў беларускай апазіцыі... Болей »

Камунікат.org – Беларуская Інтэрнэт-Бібліятэка

Пры выкарыстаньні матэрыялаў у друку спасылка на крыніцу інфармацыі абавязковая.
Пры выкарыстаньні матэрыялаў у Інтэрнэце прамая гіпэрспасылка на Kamunikat.org абавязковая.
Ідэя сайту Яраслаў Іванюк