Знакамітая кніга для дзяцей упершыню выйшла па-беларуску

2025-07-18 17:05

Выдавецтва «Папуры» выдала класічную аповесць для дзяцей — «Таямнічы сад» аўтарства Фрэнсіс Элізы Ходжсан Бёрнет (Frances Eliza Hodgson Burnett, 1849–1924). Кнігу пераклала на беларускую мову Алена Пятровіч.

За мастацкае афармленне адказвала мастачка Лізавета Лянкевіч.

У «Таямнічым садзе» апавядаецца пра дзяўчынку Мэры — 10-гадовую дачку заможных бацькоў, разбэшчаную і свавольную. Яна прызвычаілася рабіць, што хоча, і злуецца, калі ёй не падпарадкуюцца. Аднак шэраг нечаканых падзей цалкам змяняе яе жыццё, і Мэры застаецца адна. Ці зможа яна са сваім нясцерпным характарам знайсці прызначэнне ў свеце без бацькоў і слуг? Якія змены чакаюць дзяўчынку і яе асяроддзе? І хто спаткаецца ёй у новым жыцці?

Шукайце кнігу найбліжэйшым часам у менскіх кнігарнях, напрыклад, у «Параграф 45», а таксама замаўляйце проста цяпер праз сайт Oz. by.

Крыніца: Міжнародны саюз беларускіх пісьменнікаў

Камунікат.org – Беларуская Інтэрнэт-Бібліятэка

Пры выкарыстаньні матэрыялаў у друку спасылка на крыніцу інфармацыі абавязковая.
Пры выкарыстаньні матэрыялаў у Інтэрнэце прамая гіпэрспасылка на Kamunikat.org абавязковая.
Ідэя сайту Яраслаў Іванюк