Зімовую гісторыю пра цуды пераклалі з французскай

2025-12-20 11:34

У выдавецтве «Папуры» выйшла калядная дзіцячая кніга Сібілы Дэлакруа «Снежны сон». Пераклад з французскай здзейсніла Кацярына Маціеўская.

«Снежны сон» — гэта ілюстраваная зімовая гісторыя для дзяцей ад 3 гадоў пра цуды, якія здараюцца, калі ў іх верыш.

«Напярэдадні Калядаў маленькая Люсі і яе брат Уліс сумуюць: за акном — ніводнага снежнага воблака. „Калі няма снегу, Каляды зусім не чароўныя“, — уздыхае дзяўчынка.

Усё змяняецца, калі дзеці атрымліваюць пасылку з Ісландыі. Унутры — снежны шар-цацка. Перад сном Люсі доўга разглядае яго і круціць у руках. А ноччу здараецца цуд: проста ў пакоі пачынаюць кружыцца сапраўдныя сняжынкі!»

Кнігу ўжо можна набыць у кнігарнях Менска, а таксама замовіць праз маркетплэйсы.

Загалоўнае фота «Тэхналогія»

Крыніца: Міжнародны саюз беларускіх пісьменнікаў

Камунікат.org – Беларуская Інтэрнэт-Бібліятэка

Пры выкарыстаньні матэрыялаў у друку спасылка на крыніцу інфармацыі абавязковая.
Пры выкарыстаньні матэрыялаў у Інтэрнэце прамая гіпэрспасылка на Kamunikat.org абавязковая.
Ідэя сайту Яраслаў Іванюк