Жанчыны ў жыцці Уладзіміра Караткевіча

Каму быў прысвечаны першы зборнік Уладзіміра Караткевіча «Матчына душа»? Хто і чаму называў паэтэсу Раісу Ахматаву жонкай пісьменніка? Ці існаваў працяг культавага рамана «Каласы пад сярпом тваім»? У 2012 годзе крытык і літаратуразнаўца Дзяніс Марціновіч паспрабаваў адказаць на гэтыя пытанні ў кнізе «“Донжуанскі спіс” Караткевіча». Новыя звесткі з біяграфіі класіка беларускай літаратуры паспрыялі з’яўленню кнігі «Жанчыны ў жыцці Уладзіміра Караткевіча», якая была істотна дапоўнена новымі матэрыяламі. Першая частка выдання ўяўляе даследаванне-эсэ, прысвечанае ролі жанчын у творчасці Уладзіміра Караткевіча. У другую ўвайшлі крытычныя артыкулы па актуальных пытаннях літаратуразнаўства. Кніга адрасуецца ўсім, хто цікавіцца беларускай літаратурай, постаццю Уладзіміра Караткевіча і ўплывам жанчын на творчасць пісьменнікаў.

• Месца выхаду: Мінск
• Дата выхаду: 2014
• Рэдактар: Ваніцкая Н. А.
• Выдавец: Чатыры чвэрці
• Памеры: 178 с. : іл.; [2] л. укл.
• ISBN: 978-985-7058-53-2
• Катэгорыя: Літаратуразнаўства
• Copyright: © 2014 by © Марціновіч Дзяніс, Выдавецтва Чатыры чвэрці - афармленне
• Кнігазбор: Kamunikat.org