Зацемак аб характары беларусаў

Журналіст і кінакрытык Тарас Тарналіцкі чытае ўрывак з «Зацемак аб характары беларусаў» рэпрэсаванага доктара і публіцыста Станіслава Грынкевіча. Доктар Станіслаў Грынкевіч (старэйшы; 2.02.1902-25.07.1945) — беларускі грамадскі, рэлігійны і культурны дзеяч, лекар-псіханеўролаг, публіцыст, перакладчык, папулярызатар навукі. Асоба Грынкевіча - прыклад знакамітай рознабаковай адоранасці інтэлектуалаў Заходняй Беларусі, калі кожнаму свядомаму беларусу, акрамя пастаяннай працы, даводзілася быць і асветнікам, і выкладчыкам, тэатразнаўцам, празаікам, драматургам, арганізатарам і кіраўніком розных культурніцкіх праектаў. Вельмі вядомы як псіхіятр, Станіслаў Грынкевіч быў яшчэ і выдатным дзеячам нашай культуры, цікавым публіцыстам і мысляром. Яго брашура «Асвета» распавядала пра пазашкольныя формы беларускай асветнай працы: народны ўніверсітэт, курсы для дарослых, бібліятэкі, народны тэатр, хор і г.д. У 1936 г. яна была канфіскавана паліцыяй, а сам аўтар аштрафаваны і на два тыдні зняволены. Пераклаў з лацінскай мовы працу вядомага аскета і містыка Тамаша Кемпійскага «Следам за Хрыстом». Аўтар навукова-папулярных прац па медыцыне і гігіене, з лекцыямі ездзіў па заходнебеларускіх мястэчках і вёсках.

• Дата выхаду: 2021-02-01
• Выдавец: Будзьма Беларусамі!
• Памеры: 00:01:35
• Катэгорыя: Відэа
• Copyright: © 2021 by Будзьма Беларусамі!
• Кнігазбор: Kamunikat.org
• Дадатковая даведка: Чытае Тарас Тарналіцкі