Юлія Слуцкая — «Герой свабоды прэсы»

2021-09-07 16:31

Заснавальніца Press Club Belarus Юлія Слуцкая стала Героем Сусветнай свабоды прэсы. Яна атрымае ўзнагароду Міжнароднага інстытута прэсы. Яе прысуджаюць журналістам, якія ўнеслі значны ўнёсак у прасоўванне свабоды прэсы, асабліва ва ўмовах вялікай асабістай рызыкі.

Уручэнне прэміі адбудзецца 16 верасня ў Вене.

Слуцкая была палітзняволенай. Яна выйшла на волю 19 жніўня пасля амаль 8 месяцаў у СІЗА ў Мінску. Юлія Слуцкая і яшчэ некалькі супрацоўнікаў Press Club Belarus былі вызваленыя ад крымінальнай адказнасці ў сувязі з "добраахвотным вяртаннем нанесенай шкоды".

Крыніца: Еўрарадыё

Камунікат.org – Беларуская Інтэрнэт-Бібліятэка

Пры выкарыстаньні матэрыялаў у друку спасылка на крыніцу інфармацыі абавязковая.
Пры выкарыстаньні матэрыялаў у Інтэрнэце прамая гіпэрспасылка на Kamunikat.org абавязковая.
Ідэя сайту Яраслаў Іванюк