Янушкевіч: Раман “Нуль” больш жорсткі, чым творы Быкава

2025-11-08 15:16

:/:

Выдавецтва «Янушкевіч» абвясціла пра пачатак продажаў беларускага перакладу найноўшага рамана вядомага польскага пісьменніка Шчэпана Твардаха — «Нуль». Кніга стала адной з самых абмяркоўваемых у Польшчы яшчэ да свайго выхаду, бо Твардах напісаў яе пасля ўласнай паездкі на ўкраінскі фронт.

Кажа выдавец Андрэй Янушкевіч:

- Гэта кніга на актуальную тэму, гэта вельмі жорсткі рэалізм. Гэта сучасная ваенная проза, якую мы даўно чакалі. Гэта зусім не падобна да Васіля Быкава і іншых класікаў савецкай ваеннай прозы. Усе гэтыя тры гады пан Твардах вельмі часта наведваў фронт, дапамагаючы вайскоўцам, сваімі вачыма бачыў тое, што адбываецца на гэтым «нулі» — першай лініі фронту.

Беларускі пераклад рамана Шчэпана Твардаха — «Нуль» зрабіла Кацярына Маціеўская, лаўрэатка Прэміі Шэрмана. У цэнтры рамана — гісторыя Каня, добраахвотніка Узброеных сіл Украіны з нямецка-ўкраінска-польскімі каранямі.

Кнігу можна набыць ТУТ, у друкаванай і электроннай версіях.

Цалкам гутарка — у далучаным гукавым файле!

Беларускае Радыё Рацыя

Фота з архіва Андрэя Янушкевіча

Крыніца: Беларускае Радыё Рацыя

Камунікат.org – Беларуская Інтэрнэт-Бібліятэка

Пры выкарыстаньні матэрыялаў у друку спасылка на крыніцу інфармацыі абавязковая.
Пры выкарыстаньні матэрыялаў у Інтэрнэце прамая гіпэрспасылка на Kamunikat.org абавязковая.
Ідэя сайту Яраслаў Іванюк