Wzornik tradycyjnych haftów i koronek ręcznika ludowego. Traditional embroidery and lacepatterns of folk towels. Узорнік традыцыйных гафтаў і карунак народнага ручніка

3 думкаю пра аматараў традыцыйнай вышыўкі мы падрыхтавалі чарговае выданне з серыі “Узорнік традыцыйнай вышыўкі і карунак народнага ручніка”. Уключылі ў яго гатовыя ўзоры вышыўкі гладдзю, знойдзеныя на народных ручніках у калекцыі Музея ў Бельску Падляшскім, Філіяла Падляшскага Музея ў Беластоку. Гэты від аздобаў, выкананых добрай майстрыхаю, захапляе прыгажосцю. Яго нязвыкласць праяўляецца ў складаным каляровым арнаменце, натхненнем якому часта служыла прырода лугоў, палёў і палісадаў. У вышыўцы гладдзю бачым макі, валошкі, хрызантэмы, вінаградныя гронкі, цюльпаны, лілеі, незабудкі, ірысы і ружы. Дапаможнымі пры перанясенні воблікаў кветак на палатно былі друкаваныя ўзорнікі. Бачнае падабенства вышывак на некаторых ручніках - гэта вынік выкарыстання гатовых шаблонаў і абмена імі паміж жанчынамі. Больш здольныя кампанавалі ўзор згодна сваім задумам і фантазіі, іншыя капіравалі ад сваіх сябровак ці суседак. Жыла ў Чыжах (Гайнаўскі павет) Зінаіда Сакоўская, якая сама малявала ўзоры і давала іх іншым жанчынам. На палатно ўзоры пераносілі праз капірку. Аддаючы выданне ў Вашыя рукі, заахвочваем да карыстання ўзораў, якія натхнялі і захаплялі майстрых дзесяткі гадоў таму. Няхай цудоўныя арнаменты будуць прыдатныя ў працы або падштурхнуць да стварання сваіх асабістых непаўторных форм.

• Месца выхаду: Białystok
• Дата выхаду: 2014
• Выдавец: Muzeum Podlaskie w Białymstoku
• Выдавецтва/ друкарня: Biały Kruk
• Памеры: 38 s.
• Катэгорыя: Этнаграфія, Культура
• Copyright: © 2014 by Muzeum Podlaskie w Białymstoku
• Кнігазбор:
  • BTH — бібліятэка Беларускага Гістарычнага Таварыства, ul. Proletariacka 11, Białystok (папяровы асобнік)
• Інвэнтарныя нумары: BTH — 3219
• Дадатковая даведка: Opracowanie: Dębowska Alina, Sołub Katarzyna, Sołub Jerzy. Zdjęcia: Sołub Jerzy. Tłumaczenia: Natalla Gierasimiuk, Anna Lachowicz