Выйшаў каляндар з мастацкімі фотаздымкамі Мінска пачатку 2000-х

2025-11-08 13:15

Выдавецтва «Тэхналогія» выпусціла каляндар на 2026 год з чорна-белымі фотаздымкамі, зробленымі ў Менску ў 2002–2005 гадах. Аўтар фота — беларускі мастак, фатограф і літаратар Артур Клінаў. Каляндар прысвечаны 20-годдзю ягонага праекту «Горад Сонца».

Як паведамляе выдавецтва на сваёй старонцы ў інстаграме, каляндар выйшаў на беларускай і ангельскай мовах, каштуе 21 рубель.

«Горад СОНца» — праект Артура Клінава, прысвечаны вобразу Менску як ідэальнага горада Утопіі для будучага ідэальнага грамадства.

«У кнізе „Малая падарожная кніжка па Горадзе СОНца“ Артур Клінаў як архітэктар-горадабудаўнік вядзе экскурсію па Горадзе СОНца, апавядаючы пра яго канцэпцыю, гісторыю з’яўлення, эстэтыку і каноны. Акрамя таго, праект „Горад СОНца“ — гэта ўнікальная калекцыя мастацкіх фотаздымкаў, зробленых аўтарам у 2002–2005 гадах», — тлумачаць выдаўцы.

Замовіць каляндар можна на сайце tn.by або набыць у краме выдавецтва па адрасе Ляўкова, 19 (уваход з боку Варанянскага, ст. метро Кавальская Слабада, пн-чц з 10:00 па 19:00, пт — 10:00–18:00).

Крыніца: Будзьма беларусамі!

Камунікат.org – Беларуская Інтэрнэт-Бібліятэка

Пры выкарыстаньні матэрыялаў у друку спасылка на крыніцу інфармацыі абавязковая.
Пры выкарыстаньні матэрыялаў у Інтэрнэце прамая гіпэрспасылка на Kamunikat.org абавязковая.
Ідэя сайту Яраслаў Іванюк