Выбранае

У гэты свет — у свет паэзіі Максіма Багдановіча — уваходзіш наперш, як у зачарованае царства. «У зачарованым царстве» — так бо і назваў М. Багдановіч цыкл вершаў, якім адкрываўся першы і адзіны прыжыццёвы зборнік паэта «Вянок». І гэтае царства населена ў яго не толькі міфалагічнымі вобразамі лесуна, змяінага цара, русалак. Ім было ўсё жыццё ўвогуле, якое ён вітаў, якім захапляўся і ў якім смуткаваў, глыбока перажываючы за сацыяльную неўладкаванасць чалавека на зямлі, за сотні прычын, што прымушаюць яго пакутаваць. І ў гэтым жа зачарованым царстве летуцеў паэт аб лепшай долі чалавека, аб дасягненні ім унутранай духоўнай паўнаты, гарманічных адносін з прыродай, з грамадствам (Алег Лойка, Запрашэнне ў свет паэзіі, фрагмент)

• Месца выхаду: Мінск
• Дата выхаду: 1977
• Рэдактар: Бачыла А. М.
• Выдавец: Мастацкая літаратура
• Памеры: 192 с. з іл.
• Кнігазбор: Kamunikat.org