Весткі й Паведамленьні 12 (586) 2014

Як вядома, напрыканцы 1950-х і ў пачатку 1960-х гадоў у ЗША адбылася кардынальная зьмена ўзаемаадносінаў паміж чорнай і белай расамі. Гэтая шляхотная, здавалася б, справа, пачатая яшчэ абаліцыяністамі, прэзыдэнтам Лінкальнам і найбольш прасунутымі коламі грамадзтва ў 19-м стагодзьдзі, запаволілася пад канец стагодзьдзя, і дзясяткі год тупала на месцы, асабліва ў паўднёвых штатах. Штуршком да новай сытуацыі стала Другая сусьветная вайна ці, дакладней, яе наступствы, калі чарнаскурыя вэтэраны замест гонару й павагі сутыкнуліся з тым жа падзеленым на каляровыя касты грамадзтвам, якое яны пакінулі, выпраўляючыся ў войска. Прага пераменаў і нежаданьне мірыцца з існуючымі ўмовамі запачаткавалі першыя крокі барацьбы за грамадзянскія правы й акцыі супраціву расізму.

• Месца выхаду: Нью-Ёрк
• Дата выхаду: 2014-12
• Copyright: © 2014 by Весткі й Паведамленьні
• Кнігазбор: Kamunikat.org