Валерыя Чарнаморцава пра беларускае жыццё ў Вільні

2023-04-19 16:05

:/:

Вядомую грамадскую актывістку Валерыю Чарнаморцаву затрымалі 18 кастрычніка 2022 года. Спачатку яе арыштавалі на 10 сутак, пасля перавялі ў СІЗА нумар 1.

Сёлета 16 студзеня Валерыі прысудзілі два з паловай гады абмежавання волі без накіравання ў папраўчую ўстанову. Жанчыну вызвалілі з-пад варты ў зале суда і яна нелегальна пакінула Беларусь. Цяпер яна жыве ў Вільні і актыўна ўключылася ў тамтэйшае беларускае жыццё:

– Нядаўна я правяла вечарыну, прысвечаную 40-годдзю адыходу ў набесную Беларусь Ларысы Антонаўны Геніюш. Самая апошняя падзея беларускага рэлігійнага, хрысціянскага жыцця, гэта, канешне, першая беларуская літургія на Вялікдзень. Яна прайшла ўжо не ў межах РПЦ, а Канстанцінопальскага патрыярхату. Для нас гэта вельмі важна, для вернікаў. На начную літургію прыйшло больш за 150 чалавек.

Валерыя Чарнаморцава вядомая і як даследчыца беларускіх вязняў ГУЛАГу. Яна спрычынілася да стварэння Віртуальнага музею савецкіх рэпрэсій у Беларусі.

Беларускае Радыё Рацыя

Крыніца: Беларускае Радыё Рацыя

Камунікат.org – Беларуская Інтэрнэт-Бібліятэка

Пры выкарыстаньні матэрыялаў у друку спасылка на крыніцу інфармацыі абавязковая.
Пры выкарыстаньні матэрыялаў у Інтэрнэце прамая гіпэрспасылка на Kamunikat.org абавязковая.
Ідэя сайту Яраслаў Іванюк