Хроніка Белай Русі

Алесь Белы, бадай, адзіны гісторык і даследчык, які найбольш грунтоўна падышоў да справы вызначэння паходжання назвы Белая Русь. На сённяшні дзень аўтар распрацаваў 12 розных тэорый, якія вылучаны як расейскімі, так польскімі і беларускімі гісторыкамі. Пачаў сваё даследаванне з аналізу старажытных мапаў, якія складаліся яшчэ ў часы Сярэднявечча, бо менавіта па мапах магчыма прасачыць пачатак назвы. Доследы і меркаванні аўтара, базуючыся на рознабаковых крыніцах, сцвярджаюць архаічнасць і старажытнасць назвы Белая Русь. Сведчанні пра якую ён знаходзіць задоўга да пачатку з'яўлення самога этнасу. Цікавымі з'яўляюцца доследы і назвы Русь, якую гісторык выводзіць з фінамоўнага абазначэння варажскага, у дадзеным выпадку швецкага, слова РУОССІ, што абазначае дружыну ваяроў. Што ж тычыцца назвы Белая Русь, то з цягам гістарычных падзей яна мяняла сваё абазначэнне, пакуль не дайшла да нашага часу і прыняла канчатковую форму. Аўтар вельмі падрабязна аналізуе кожны гістарычны перыяд і кожную змену, звязаную з гістарычнымі ўмовамі. (Н.Г.)

• Месца выхаду: Менск
• Дата выхаду: 2000
• Выдавец: Беларускі Гістарычны Агляд
• Памеры: 238с., іл., 21см
• ISBN: 985-6599-12-1
• Катэгорыя: Гісторыя
• Copyright: © 2000 by Алесь Белы
• Кнігазбор: Kamunikat.org, Каталёг БГТ, Каталёг EEDC
• Інвэнтарныя нумары: BTH — 85, 187, EEDC — 3220