Унікальныя тэатральныя дэкарацыі аўтарства Язэпа Драздовіча паказалі журналістам

Дэкарацыі спалучаюць у сабе гісторыю мясцовага тэатру, тэатру нацыянальных меншасцяў і творчасць славутага беларускага мастака.  

Тэатральныя дэкарацыі, створаныя Язэпам Драздовічам, якія захоўваюцца ў Гістарычным музеі ў Беластоку патрабуюць рэстаўрацыі. Таму іх пакуль нельга прадставіць шырэйшай публіцы. Аднак дзякуючы ініцыятыве грамадзкага дзеяча Аляксея Трубкіна ўдалося зладзіць закрыты паказ для журналістаў.

Дырэктар Падляскага музею ў Беластоку Пёт Нядзёлка тлумачыць унікальнасць і агромнсітую важнасць дэкарацый, створаных славутым беларускім мастаком Язэпам Драздовічам:

- Гэта абсалютна бясцэнныя экспанаты з пункту гледжання самога музея і нашай калекцыі. Гэта ўнікальныя памяткі, якія засталіся пасля дзейнасці культурных таварыстваў на тэрыторыі Беласточчыны ў міжваенны час. Гэта таксама адзіныя творы Язэпа Драздовіча ў калекцыі Падляскага музея. Апрача гэтага, яны абсалютна арыгінальныя. Такія артэфакты спалучаюць у сабе гісторыю мясцовага тэатру, тэатру нацыянальных меншасцяў і творчасць славутага графіка, а гэта ўнікальнае спалучэнне. Захаванне і рэстаўрацыя тэатральных дэкарацый аўтарства Язэпа Драздовіча для нас з'яўляецца прыярытэтам.

На прэзентацыі малавядомых твораў Язэпа Драздовіча з мікрафонам пабываў Яраслаў Іванюк.

Слухайце аўдыё!

эж