Уладзімір Арлоў наведае Італію разам з фондам Kamunikat.org

2023-06-11 14:56

Мілан, Балонію і Рым наведае адзін з самых вядомых і папулярных сучасных беларускіх пісьменнікаў - Уладзімір Арлоў. Там пісьменнік сустрэнецца з беларускай дыяспарай і прэзентуе свае апошнія кнігі, выдадзеныя ў Беластоку фондам Kamunikat.org.

Як і раней у Польшчы і Германіі, Уладзімір Арлоў прадставіць чытачам сваю новую кнігу “Айчына. Ад Агінскага да Багушэвіча”. Яе першую частку ў мінулым годзе рэжым прызнаў „эксрэмісцкай“.

Уладзімір Арлоў зачытае таксама ўрыўкі са знакамітых „Імёнаў свабоды” з 410 партрэтамі змагароў за свабоду беларускай зямлі з часоў Тадэвуша Касцюшкі да нашых дзён. Будуць таксама іншыя кнігі, выдадзеныя Фондам Kamunikat.org. У тым ліку найноўшае выданне „Ад Еўфрасінні, ад Скарыны. Таямніцы полацкай гісторыі”.

Разам з Уладзімірам Арловым мы перасячэм дарогі персанажаў розных эпох, лёс якіх злучыў дзве далёкія краіны: Беларусь і Італію.

У сустрэчах у Мілане і Балоніі таксама прымуць удзел італьянцы - выступленне Уладзіміра Арлова будзе перакладацца на італьянскую мову.

Усе сустрэчы будуць праходзіць пад агульнай назвай „Адкрываем новыя землі: Беларусь на скрыжаваннях гісторыі. Персанажы, месцы, падзеі”.

13.06.2023, 18:30 Мілан https://fb.me/e/1gVb0LdGD
15.06. 2023, 18:00 Балонія https://fb.me/e/szL4L7E5K
16.06. 2023, 17:00 Рым https://fb.me/e/8dFGTT7Pa

Крыніца: Камунікат

Камунікат.org – Беларуская Інтэрнэт-Бібліятэка

Пры выкарыстаньні матэрыялаў у друку спасылка на крыніцу інфармацыі абавязковая.
Пры выкарыстаньні матэрыялаў у Інтэрнэце прамая гіпэрспасылка на Kamunikat.org абавязковая.
Ідэя сайту Яраслаў Іванюк