У Варшаве прайшла літаратурна-музычная вечарына «Наш Купала»

2023-05-18 19:48

:/:

Літаратурна-музычная вечарына «Наш Купала», што прайшла ў Моладзевым Хабе, расчуліла ўсіх прысутных. Умела падагравала пачуцці вядучая сустрэчы Галіна Пазьняк. Сама спадарыня Галіна была апрагута ў прыгожы беларускі нацыянальны строй. Яна эмацыйна і натхнёна распавяла слухачам пра Янку Купалу, яго творчасць.

Удзельнікі вечарыны цешыліся музыкай Уладзіміра Мулявіна, пакладзенай на вершы Купалы.

Кажа Галіна Пазьняк:

- Купала нумар адзін – гэта ясна, таму што ён сэрца сваё аддаў і жыццё сваё аддаў. Яго ж забіла НКВД. Ніякае гэта не самагубства! Яго забілі з-за таго, што ён аддаў сэрца сваё, сваё жыццё беларускаму народу.

Прысутныя на вечарыне аддзячылі вядучай Галіне Пазьняк дружнымі апладысментамі, гаворыць Таццяна Малашчанка:

- Гэта ўсё наша спадчына і зараз яна перадаецца вось у такі спосаб.

Удзельнікі сустрэчы:

- Дзякуючы такім момантам, Беларусь ува мне не знікне.

- Гэта часціна Беларусі, часціна роднага. Гэта часціна нас.

Асаблівага шарму вечарыне дадало артыстычнае чытанне вершаў Купалы мужам Галіны – вядомым палітыкам Зянонам Пазьняком.

Цалкам матэрыял слухайце ў далучаным гукавым файле.

Беларускае Радыё Рацыя

Крыніца: Беларускае Радыё Рацыя

Камунікат.org – Беларуская Інтэрнэт-Бібліятэка

Пры выкарыстаньні матэрыялаў у друку спасылка на крыніцу інфармацыі абавязковая.
Пры выкарыстаньні матэрыялаў у Інтэрнэце прамая гіпэрспасылка на Kamunikat.org абавязковая.
Ідэя сайту Яраслаў Іванюк