У Варшаве праходзіць шэсце салідарнасці

2021-08-08 19:07

Сотні беларусаў Польшчы, а таксама салідарныя з імі палякі і прадстаўнікі іншых народаў сабраліся ў цэнтры Варшавы на плошчы Дэфілядаў з плакатамі і беларускімі нацыянальнымі сцягамі.

Адсюль і да амбасады Беларусі ў польскай сталіцы ідзе шэсце ў памяць аб падзеях жніўня 2020 года ў Беларусі. Сярод удзельнікаў шэсця — беларускія палітыкі, анархісты, музыкі і прадстаўнікі іншых сфер. У тым ліку ў маніфестацыі ўдзельнічае былы амбасадар Беларусі ў Аргентыне Уладзімер Астапенка, які пакінуў сваю пасаду ў сувязі з нязгодай з рэпрэсіямі Лукашэнкі супраць палітычных апанентаў.

Цяпер у Беларусі 610 палітвязняў, сярод іх таксама і прадстаўнікі польскай нацыянальнай меншасці. Яны працягваюць трываць катаванні і здзекі ў ізалятарах і турмах.

Беларускае Радыё Рацыя

Крыніца: Беларускае Радыё Рацыя

Камунікат.org – Беларуская Інтэрнэт-Бібліятэка

Пры выкарыстаньні матэрыялаў у друку спасылка на крыніцу інфармацыі абавязковая.
Пры выкарыстаньні матэрыялаў у Інтэрнэце прамая гіпэрспасылка на Kamunikat.org абавязковая.
Ідэя сайту Яраслаў Іванюк