У красавіку ў Варшаве пройдзе Міжнародны кінафестываль пра таталітарызмы

2023-03-29 16:24

:/:

Міжнародны кінафестываль «Рэха Катыні» – гэта прастора, дзе шматаспектна разглядаецца і перажываецца праблема таталітарызму.

У межах Кангрэсу нацыянальнай памяці адбудзецца 4-ты Міжнародны кінафестываль пра таталітарызмы «Рэха Катыні». Кангрэс будзе праходзіць 13-15 красавіка ў Варшаве.

Як паказвае гісторыя, свет напоўнены ідэямі, якія могуць перарасці ў таталітарызм. Таталітарызм змяняе не толькі сацыяльны лад, але перш за ўсё закранае лёс простых людзей. Рост гвалту сістэмы, барацьба людзей за свабоду і годнасць… гэта жывыя сцэнарыі.

Міжнародны кінафестываль «Рэха Катыні» – гэта прастора, дзе шматаспектна разглядаецца і перажываецца праблема таталітарызму.

Акрамя кінапаказаў у праграме таксама конкурсы ігравога, кароткаметражнага і сярэднеметражнага кіно, дэбаты і кінамайстар для аматараў і выкладчыкаў.

ав

Крыніца: Беларуская служба Польскага радыё

Камунікат.org – Беларуская Інтэрнэт-Бібліятэка

Пры выкарыстаньні матэрыялаў у друку спасылка на крыніцу інфармацыі абавязковая.
Пры выкарыстаньні матэрыялаў у Інтэрнэце прамая гіпэрспасылка на Kamunikat.org абавязковая.
Ідэя сайту Яраслаў Іванюк