У Беластоку адбудзецца прэзентацыя дзвюх кніг Руслана Кулевіча

Аўтар сабраў у адным месцы мноства ўспамінаў і фотаздымкаў з хатніх архіваў. “Гісторыя Беластока і Гародні не моцна адрозніваецца, жыхары Беластока знойдуць у гісторыях Гародні нешта блізкае і знаёмае”, – адзначае аўтар і працуе яшчэ над некалькімі іншымі праектамі.

Кажа Руслан Кулевіч:

– Зараз у мяне тры праекты: шукаць уцекачоў з Беларусі, якія з’ехалі ў дваццатым годзе, рабіць навіны на “Гродна лайф”, і трэцяя місія – шукаць старажылаў, якія з Гародні з’ехалі ў Польшчу. Цяпер у Гародні я не магу шукаць. Мы зараз перакладаем кнігі на польскую мову, каб зрабіць турнэ па гарадах Польшчы і распавесці, што ёсць журналіст з Гародні, які шукае гарадзенцаў і гатовы прыехаць у любую кропку Польшчы, каб запісаць іх успаміны.

Прэзентацыя кніг адбудзецца ў Беластоку ў сераду на вул. Św. Rocha 14.

У Беларусі Руслан Кулевіч не паспеў выпусціць кнігу „Гарадзенцы здалёк” і трэцюю частку ўспамінаў, і спадзяецца, што гэта атрымаецца зрабіць у бліжэйшай будучыні.