У ААН заявілі аб зьнішчэньні грамадзянскай супольнасьці ў Беларусі

2023-10-09 17:16

У заяве арганізацыі Right Livelihood, якая прагучала на 54-й сэсіі Рады правоў чалавека ААН у Жэнэве, згадана, што Праваабарончы цэнтар «Вясна», які зь яго старшынём Алесем Бяляцкім атрымаў у 2020 годзе прэмію Right Livelihood «За годны лад жыцьця», пацярпеў ад рэпрэсіяў супраць грамадзянскай супольнасьці.

У жніўні 2023 года «Вясну» прызналі «экстрэмісцкім фармаваньнем», што палегчыла ўладам перасьлед асобаў, зьвязаных з гэтай арганізацыяй. Актывістаў, вымушаных уцячы з краіны, цяпер дазволена судзіць завочна і пазбаўляць грамадзянства.

Арганізацыя заявіла, што рэпрэсіўныя законы Беларусі практычна цалкам зьнішчылі грамадзянскую супольнасьць.

Крыніца: Радыё Свабода

Камунікат.org – Беларуская Інтэрнэт-Бібліятэка

Пры выкарыстаньні матэрыялаў у друку спасылка на крыніцу інфармацыі абавязковая.
Пры выкарыстаньні матэрыялаў у Інтэрнэце прамая гіпэрспасылка на Kamunikat.org абавязковая.
Ідэя сайту Яраслаў Іванюк