Такая розная памяць пра Другую сусветную у Беларусі, Расіі, Украіне і Польшчы

2021-09-01 21:41

Калі і як пачалася Другая сусветная вайна? Як і з якімі акцэнтамі захоўваецца памяць пра яе? У Беларусі, Расіі, Украіне і Польшчы па-рознаму адказваюць на гэтыя пытанні. Менавіта праз гэтыя адрозненні і неабходны адкрыты міжнародны дыялог пра складанасць падзеяў таго часу.

Такім дыялогам 16 верасня 2021 года стане канферэнцыя "Ад пакта Молатава-Рыбентропа да ўварвання ў Савецкі Саюз". Між іншых экспертаў у галіне гісторыі і культуры памяці, на канферэнцыі выступяць былы міністр замежных справаў Польшчы Адам Даніэль Ротфельд, кіраўнік Украінскага інстытута нацыянальнай памяці Антон Драбовіч, сучасная гісторык, доктар Клаўдыя Вэбер з Еўрапейскага універсітэта Віадрына, а таксама Фелікс Акерман з DHI Warsaw — NIH Warszawa.

Вы можаце загадзя накіраваць пытанні ўдзельнікам па электроннай пошце: gedenken_pamiec@sdpz.org.

Мерапрыемства арганізаванае разам з Фондам польска-нямецкага супрацоўніцтва і Нямецка-ўкраінскім форумам пры фінансавай падтрымцы Міністэрства замежных спраў Германіі.

Крыніца: Еўрарадыё

Камунікат.org – Беларуская Інтэрнэт-Бібліятэка

Пры выкарыстаньні матэрыялаў у друку спасылка на крыніцу інфармацыі абавязковая.
Пры выкарыстаньні матэрыялаў у Інтэрнэце прамая гіпэрспасылка на Kamunikat.org абавязковая.
Ідэя сайту Яраслаў Іванюк