Сяргей Харэўскі. Нечаканы Менск і беларуская Вільня

2021-01-27 21:38

ГА "Саюз беларускіх пісьменнікаў" працягвае свой відэапраект — цыкл літаратурных гутарак "Кантэкст". У кожным "Кантэксце" вас чакаюць інтэрв'ю з вядомымі беларускімі літаратарамі, а таксама іх аўтарскія чытанні.

У новым выпуску вядоўцы "Кантэксту" Анатоль Івашчанка і Усевалад Сцебурака гутараць з мастацтвазнаўцам, гісторыкам, мастаком і эсэістам Сяргеем Харэўскім.

Сяргей Васілевіч Харэўскі нарадзіўся 5 кастрычніка 1967 года ў Мінску. Вучыўся ў школе з мастацкім ухілам №26, у Мінскай мастацкай вучэльні імя А. Глебава (1982—1987); у Інстытуце жывапісу, скульптуры і архітэктуры ім І. Рэпіна Акадэміі мастацтваў СССР (1988—1992), асьпірантуры Беларускай Акадэміі Мастацтваў (1994—1997), у 1996 у летняй школе Варшаўскага Ўніверсітэта.

У 1986-1991 працаваў у Інстытуце "Белспецпраектрэстаўрацыя", у 1993 -- 2000 выкладаў у Віленскім педагагічным унівэрсітэце, працаваў у рэдакцыі адноўленай у Вільні "Нашай Нівы". Выкладае мастацтвазнаўства ў ЕГУ. Аўтар кніг "Сто твораў ХХ стагоддзя", "Звяры-суайчыннікі", "ПраЧутае", "Прамоўленае", "Асмалоўка".

Будзьце ў "Кантэксце" і далучайцеся да нашага каналу!

Прэс-служба ГА "Саюз беларускіх пісьменнікаў"

Крыніца: Саюз беларускіх пісьменнікаў

Камунікат.org – Беларуская Інтэрнэт-Бібліятэка

Пры выкарыстаньні матэрыялаў у друку спасылка на крыніцу інфармацыі абавязковая.
Пры выкарыстаньні матэрыялаў у Інтэрнэце прамая гіпэрспасылка на Kamunikat.org абавязковая.
Ідэя сайту Яраслаў Іванюк