Сьвітанак 16 (288) 2020

Як правіла, з надыходам восеньскіх халадоў небяспека павялічваецца ў сувязі з пачаткам сезонных прастудных вірусных захворванняў і пнеўманій. Нарэшце і ў раённым аператыўным штабе Шуміліна чыноўнікі паведамілі пра колькасць хворых на COVID-19 Паводле даных штаба, на 8 кастрычніка ў раёне на COVID-19 зараз хварэе 26 чалавек. Пры гэтым 13 хворых знаходзіцца ў інфекцыйнай бальніцы ў Віцебску, а 13 чалавек застаюцца на хатняй самаізаляцыі. З ліку захварэлых 14 чалавек – гэта пенсіянеры. Колькасць захварэлых шумілінцаў расце, штодзённа выяўляюцца 1-2 новыя выпадкі інфекцыі. Таму варта нагадаць у чарговы раз усім жыхарам Шумілінскага раёна, асабліва людзям сталага ўзросту, пра неабходнасць захоўваць меры бяспекі. Меры простыя: трэба пазбягаць масавых мерапрыемстваў, насіць маскі ў людных месцах, апрацоўваць рукі дэзінфікуючымі сродкамі або мыць іх з мылам, захоўваць гэтак званае сацыяльнае дыстанцыраванне. На 16 кастрычніка 2020 у Беларусь зафіксавана 86 392 выпадкі заражэння каронавірусам Covid-19. За апошнія суткі колькасць заражаных вырасла на 658 чалавек. Агульная колькасць смерцяў ад коронавіруснай інфекцыі ў Беларусь складае 921 чалавек, сёння зафіксавана 5 выпадкаў смерці.

• Месца выхаду: п/а Амбросавічы, Шумілінскі раён
• Дата выхаду: 2020-10
• Рэдактар: Шчамлёў Аляксандр
• Copyright: © 2020 by Сьвітанак
• Кнігазбор: Kamunikat.org