Сьвітанак 15 (287) 2020

Сёлета Дзень бібліятэк у Шумілінскім раёне адзначылі 45 бібліятэчных работнікаў. Прынамсі, да прафесіяналаў далучаецца вялікая колькасць наведвальнікаў – а гэта 9753 дарослыя чытачы і 3218 дзяцей, а таксама ўсе, хто паважае літаратуру і любіць чытаць. Не, электронныя гаджэты не выцеснілі прывычную друкаваную кнігу, хоць і працуюць у гэтым накірунку. Але многія людзі, як, урэшце, і мы, рэдакцыйныя работнікі, навіны і іншую аператыўную інфармацыю чытаем у электронным выглядзе, а рэальную кнігу разглядаем часта як сродак і магчымасць адпачынку. Каб узяць выданне ў рукі, сесці ў крэсла пасля працоўнага дня ці адкінуцца на канапу і акунуцца ў свет кніжных герояў і падзей. Друкаваная кніга па-ранейшаму папулярная, – пацвярджае дырэктар Шумілінскай цэнтралізаванай бібліятэчнай сістэмы Вольга Барабанава. – Сёння акрамя дзвюх бібліятэк у райцэнтры, у раёне працуюць яшчэ 15, плюс 3 клубыбібліятэкі. І ўсе яны запатрабаваныя. Апроч таго, мы вязём і нясём чытачам кнігі на дом. У нас распрацаваны 15 маршрутаў, пяць раз на тыдзень спецыяльны бібліятэчны аўтобус едзе па адным з іх (кожны маршрут уключае 5-6 вёсак). Людзі вельмі чакаюць нас. Вяскоўцы больш чытаюць зімой – гэта не зусім так. Летам на вёску шмат прыязджае дачнікаў, і яны актыўна карыстаюцца нашай бібліятэкай на колах. Калі прааналізаваць, якой літаратуры народ аддае перавагу, то чытаюць усё.

• Месца выхаду: п/а Амбросавічы, Шумілінскі раён
• Дата выхаду: 2020-09
• Рэдактар: Шчамлёў Аляксандр
• Copyright: © 2020 by Сьвітанак
• Кнігазбор: Kamunikat.org