Сталі вядомыя фіналісты конкурсу на літаратурную прэмію Ежы Гедройця

2023-10-09 16:08

Арганізатары прэміі імя Ежы Гедройця апублікавалі кароткі сьпіс намінантаў у 2023 годзе.

«Журы правяло фундамэнтальную працу, каб абраць з пятнаццаці моцных намінантаў шасьцярых, якія ўвайшлі ў кароткі сьпіс. Тыя, хто сачыў за прэміяй раней, ведаюць: наступны крок — вызначэньне ляўрэатаў», — адзначылі ў сваім паведамленьні арганізатары прэміі.

У шасьцёрку наймацнейшых пісьменьнікаў XII сэзона літаратурнай прэміі імя Ежы Гедройця:

Алег Дашкевіч з кнігай «З вышыні птушынага палёту» (Мінск: Р. Цымбераў, 2022)

Сяргей Лескець з кнігай «Шэпт» (Мінск: выдавецкая ініцыятыва «Вільма» супольна з Р. Цымбераў, 2022)

Ганна Кандрацюк з кнігай «У прысценку старога лесу. Гісторыі людзей з Белавежскай пушчы» (Праграмная рада тыднёвіка «Ніва», 2022)

Сьцяпан Стурэйка з кнігай «Пасажыры карабля Тэсэя» (Мінск: Янушкевіч, 2022)

Іна Снарская з кнігай «Зачараваны скарб» (Мінск: Р. Цымбераў, 2022)
Макс Шчур з кнігай «Там, дзе нас няма» (Логвінаў, 2022)

Сярод 15 намінантаў разглядаліся і тры кнігі зь «Бібліятэкі Свабоды», але яны не трапілі ў кароткі сьпіс.

Крыніца: Радыё Свабода

Камунікат.org – Беларуская Інтэрнэт-Бібліятэка

Пры выкарыстаньні матэрыялаў у друку спасылка на крыніцу інфармацыі абавязковая.
Пры выкарыстаньні матэрыялаў у Інтэрнэце прамая гіпэрспасылка на Kamunikat.org абавязковая.
Ідэя сайту Яраслаў Іванюк