Споведзь

Ужо сама назва гэтай кнігі прымушае адкрыць яе і заглыбіцца ў чытанне. “Споведзь” Ларысы Геніюш – шчыры аповед пра жыццё, пра тое хто і калі спрычыніўся да пакут беларускага народа, як было савецкіх вязьніцах і лагерах, колькі прыйшлося перацярпець прадстаўнікам беларускай інтэлігенцыі за тое, што не захацелі адмовіцца ад сваіх перакананняў, што да апошняй хвіліны жыцця заставаліся Беларусамі. Дзяцінства, маладосць, замужжа, жыццё ў эміграцыі, пакуты ў лагерах, пераслед за беларускасць – усё гэта ў “Споведзі”, і як на споведзі – шчыра і без прыўкрас. Ларыса Геніюш, пішучы свой жыццярыс, спавядалася ў прамым значэнні гэтага слова, але не толькі перад Богам, але і перад грамадствам, перад нашчадкамі і перад памяццю продкаў. Яе “Споведзь” адзін з немногіх эпісталярных твораў у беларускай літаратуры, створаны без аглядкі на цэнзуру, з поўнай адказнасцю і шчырасцю з рукой на сэрцы. (Н.Г.)

• Месца выхаду: Мінск
• Дата выхаду: 1993
• Рэдактар: Пазняк З. К.
• Выдавец: Мастацкая літаратура
• Памеры: 271с., [13] л. іл., партр.
• ISBN: 5-340-00876-2
• Катэгорыя: Гісторыя, Мастацкая літаратура, Палітыка, Правы чалавека, Грамадзтва, Мэмуары
• Copyright: © 1993 by Ларыса Геніюш
• Кнігазбор: Kamunikat.org, Каталёг EEDC, Каталёг MiOKB
• Інвэнтарныя нумары: EEDC — 1653, MiOKB — 3200
• Дадатковая даведка: Падрыхтоўка тэксту, прадмова, каментарыі М. М. Чарняўскага