Смерць лесбіянкі

Другая кніга Наталкі Харытанюк — пра жыццё як вайну густаў. Раман задумваўся ў час, калі аўтарка сама трапіла пад абстрэл у гэтай вайне, але не здалася. Думка пра магчымасць здацца, прыняць розныя праўды і мілую адноснасць як новую веру так і не прыйшла ёй да галавы. Унутраны стрыжань застаўся стрыжнем. Туга за гераічным — тугой. Як ва ўсякім метафізічным дэтэктыве, у “Смерці лесбіянкі” ўсё пачынаецца са злачынства. Хаваючыся ад праклёну, які мусіць спраўдзіцца да канца года, наратарка ў апошнія дні снежня ўцякае ў Полацак, да сваёй цёткі, дэкана філалагічнага факультэта. У гэты самы час у бібліятэцы факультэта знаходзяць труп… Кожны з персанажаў вядзе сваё следства. Мае сваіх падазраваных. Шукае сабе алібі. Разгадка ж адна і да невыноснасці простая.

• Месца выхаду: Мінск
• Дата выхаду: 2013
• Выдавец: І. П. Логвінаў
• Памеры: 156 с.
• ISBN: 978-985-562-092-2
• Катэгорыя: Мастацкая літаратура
• Copyright: © 2013 by Наталка Харытанюк, І. П. Логвінаў - афармленьне
• Кнігазбор:
  • прыватны кнігазбор у Беластоку (папяровы асобнік)