Шляхецкія апавяданні

Пачыналіся цёмныя лістападаўскія ночы — бяззорныя, чорныя, быццам сама безнадзейнасць, перавітыя жалобнымі стужкамі смугі. Андрусь слабеў. Кожны крок даваўся з цяжкасцю — усё-ткі застудзіўся тады, у халоднай, засыпанай срэбнай восеньскай расой лагчавіне. Коні жандараў тупаталі наверсе, на ўзгорку, і нельга было нават паварушыцца, каб адчуць знямелае ад холаду цела — нібыта яно само ўжо з туману і мокрай зямлі. На амаль голых галінках хмызнякоў гайдаліся дзівоснымі ўпрыгожаннямі сініцы, буйныя кроплі сыпаліся з галінак уніз, быццам перліны з парваных караляў, і Андрусю здавалася, што гэты аксамітны шум зараз выдасць яго. Але самі сінічкі нават не ценькнулі. Можа, ім перадаўся страх чалавека? (Слова гонару, фрагмент)

• Publication Date: 2021
• Category: Belles-Lettres
• Copyright © 2003 by Людміла Рублеўская, Copyright © 2021 by Kamunikat.org - ePub
• Book Collection: KAMUNIKAT
• Supplementary Data: Падрыхтаванае на падставе: Людміла Рублеўская, Сэрца мармуровага анёла. Аповесці, апавяданні, — Мінск: Мастацкая літаратура, 2003 (Бібліятэка прыгод і фантастыкі).