Рэзідэнцыя ў Варшаве для літаратараў з Беларусі і Украіны

2024-11-05 17:29

Старамейскі Дом Культуры запрашае літаратараў і літаратарак з Беларусі і Украіны правесці некалькі творчых тыдняў у цэнтры Варшавы.

Арганізатары прадастаўляюць рэзідэнтам кватэру ў цэнтры з утульным месцам для творчай працы, стыпендыю ў памеры 120 злотых на дзень, мастацкую, лагістычную і матэрыяльна-тэхнічную падтрымку, а таксама ўдзел у дзейнасці установы.

Набор прызначаны для творцаў з Беларусі ды Украіны, якія адпавядаюць наступным крытэрыям:

• у іх ёсць хаця б адна кніга, зборнік вершаў альбо пераклад, выдадзеныя ў друку, або хаця б адзін драматычны тэкст, пастаўлены ў тэатры;

• яны могуць камунікаваць на англійскай ці польскай мовах;

• у гэты момант працуюць над літаратурным праектам.

Тэрмін рэзідэнцыі ад 2 да 8 тыдняў.

Дэдлайн: 18 лістапада

Абвяшчэнне вынікаў: 4 снежня

Час працы рэзідэнцыі: студзень-чэрвень 2025 году

Даведацца падрабязней пра ўмовы і падаць заяўку на ўдзел можна на афіцыйным сайце SDK.

Крыніца: Міжнародны саюз беларускіх пісьменнікаў

Камунікат.org – Беларуская Інтэрнэт-Бібліятэка

Пры выкарыстаньні матэрыялаў у друку спасылка на крыніцу інфармацыі абавязковая.
Пры выкарыстаньні матэрыялаў у Інтэрнэце прамая гіпэрспасылка на Kamunikat.org абавязковая.
Ідэя сайту Яраслаў Іванюк