Рэверансы

Грунвальдскія схілы жаўцелі пожняй. Стракатай стужкай расцятыя на сектары для машын. Памыліся мінеральнай вадою, нехта здолеў пагаліцца, Акінчыц не стаў. Рыцарскі лагер стракацеў шатрамі і палаткамі. Наводдаль кантрасна знерухомелі два гелікоптары. З неба апусціўся наступны, да яго кінулася чарада людзей: чыноўнікі, вайскоўцы, рэпарцёры. З вялізнай чорнай цыгарай мікрафона па-над галовамі. Колькі жаўнераў лянотна глядзелі на рэдкіх цікаўных. З дзвярэй выбраўся літоўскі прэзідэнт. Публіка чакала. На двух флагштоках хваліліся літоўскі і польскі сцягі. Калісьці флагштокі былі тры: бела-чырвоны, арол, Пагоня. Рыцар на кані, якога беларусам забаранілі мець… На металёвых стойках пляцоўку атачылі вялікія чорныя гучнікі, чулліва фіксуючы чаканне трыбуннага чынавенства. Урыўкі банальных фразаў. Акінчыц адчуў сябе за кулісамі. (фрагмент)

• Дата выхаду: 2016
• Катэгорыя: Мастацкая літаратура
• Copyright: © 2016 by Сяргей Астравец, Copyright © 2021 by Kamunikat.org - ePub
• Кнігазбор: Kamunikat.org
• Дадатковая даведка: Падрыхтаванае на падставе: Астравец Сяргей, Саргасава мора. Апавяданні, — Мінск: Кнігазбор, 2016. — 280 с. (Бібліятэка Саюза беларускіх пісьменнікаў «Кнігарня пісьменніка»; вып. 81)