Полацкае княства як Баварскае герцагства

Уладзімір Арлоў прыгадаў, што ў сваіх кнігах пра родны Полацак ён калісьці почасту цытаваў вядомага даследчыка гісторыі гэтага горада Леаніда Аляксеева. «Гэты гісторык, пішучы пра Полацкае княства як тыповую еўрапейскую раннефеадальную дзяржаву – адзначыў беларускі пісьменнік – нечакана параўноўваў яе з герцагствам Баварскім. Гэты факт не мог не згадацца, калі я рабіў экскурс ў 1000-гадовую гісторыю беларускай дзяржаўнасці ў сталіцы Баварыі Мюнхене».

«Наогул жа сустрэча атрымалася цёплай і будзе мець працяг, бо многія ўдзельнікі набылі мае гістарычныя кнігі. У аўтографах я выказваў упэўненасць, што наша еўрапейскае мінулае – зарука еўрапейскай будучыні», – падсумаваў Уладзімір Арлоў.

Яраслаў Іванюк, распавядаючы пра 25 гадоў дзейнасці Беларускай Інтэрнэт-Бібліятэкі Kamunikat.org, падкрэсліў, што ў яе рэсурсах цяпер утрымліваецца больш за 65 тысяч беларускіх публікацый рознага тыпу: кнігі, аўдыёкнігі, часопісы, газеты, радыёперадачы і іншае. Кіраўнік Фонду Kamunikat.org таксама рэкамендаваў ўдзельнікам сустрэчы падпісацца на YouTube-канал Камуніката, дзе знаходзіцца больш за 60 аўдыёкніг сучаснай беларускай літаратуры. 

Заахвоціў таксама карыстацца аплікацыяй для праслухоўвання аўдыёкніг у iPhone і дадаў, што вядзецца праца над такой самай прыстасаваннем для сістэмы Андроід.

Чарговая сустрэча «Ад Рагвалода да БНР» пройдзе 28 сакавіка ў Цюрыху.