Падарожжы ў часе са Зміцерам Бартосікам і Kamunikat.org

2025-09-09 12:05

10 верасня ў Вроцлаве адбудзецца канцэрт Змітра Бартосіка і прэзентацыя кніг аўтара, а таксама кніжны кірмаш выданняў ад бібліятэкі Kamunikat.

Наведнікаў імпрэзы чакае падарожжа ў часы перадваенныя і акупацыйныя (прэзентацыя кнігі «Быў у пана верабейка гаварушчы»), у эпоху пасляваеннага супраціву саветызацыі («Забіць Упалмінзага») ды ў блізкія 90-я гады мінулага стагоддзя. Дадаткам да такіх вандровак стануць сатырычныя песні і жыццёвыя анекдоты спадара Бартосіка, дзякуючы якім можна будзе адчуць атмасферу і стыль тых часоў. Віртуозны баян Тацяны Карпіловіч прагучыць шыкоўным акампанементам вечарыны!

Аматараў літаратуры парадуюць кніжныя навінкі ад Kamunikat.org: «Быў у пана верабейка гаварушчы...» Змітра Бартосіка, палітычны трылер былога польскага пасла ў Менску Лешэка Шэрэпкі «Беларускі снайпер» у перакладзе Алеся Плоткі, новыя фрашкі Севярына Квяткоўскага «Мы ідзём на марш», «Майстроўня. Гісторыя аднаго цуду» Сяргея Дубаўца і многае іншае.

Кожны, хто набудзе кнігу, у якасці бонуса атрымае арыгінальныя паштовыя маркі Рэспублікі Беларусь з пачатку 90-х гадоў ХХ стагоддзя.

Падрабязней пра імпрэзу можна даведацца ТУТ.

15 верасня падарожжа са Зміцерам Бартосікам і Фондам Kamunikat.org працягнецца ў Кракаве.

Крыніца: Камунікат

Камунікат.org – Беларуская Інтэрнэт-Бібліятэка

Пры выкарыстаньні матэрыялаў у друку спасылка на крыніцу інфармацыі абавязковая.
Пры выкарыстаньні матэрыялаў у Інтэрнэце прамая гіпэрспасылка на Kamunikat.org абавязковая.
Ідэя сайту Яраслаў Іванюк