Новы літаратурны конкурс ад выдавецтва «Галіяфы»

2021-07-03 11:26

Сёлета адзначаецца 120-годдзе з дня нараджэння класіка беларускай літаратуры Міхася Зарэцкага. З гэтай нагоды выдавецтва “Галіяфы” вырашыла заснаваць штогадовы літаратурны конкурс імя пісьменніка. Мэта конкурсу - падтрымаць новую літаратуру.

Да ўдзелу запрашаюцца літаратары ад 16 гадоў - як ужо вопытныя, так і маладыя аўтары. Рукапіс пераможцы конкурса будзе выдадзены асобнай кнігай у выдавецтве “Галіяфы”.

На конкурс прымаюцца празаічныя творы (ці зборнікі твораў), якія асобнымі кнігамі дагэтуль не выходзілі.
Рукапіс мусіць быць арыгінальным (не пераклад). Мова - беларуская. Мінімальны аб’ём рукапісу - 150 тысяч знакаў з прабеламі.

Тэрмін прыёму рукапісаў - да 1 кастрычніка 2021 года. Дасылаць можна на адрас: vish@bk.ru (з пазнакай: конкурс імя М. Зарэцкага). Вынікі конкурса будуць падведзеныя да 1 студзеня 2022 года.

Журы: Ірына Герасімовіч, Артур Клінаў, Зміцер Вішнёў, Віктар Жыбуль, Святлана Воцінава, Сяргей Пляскач.

Крыніца: Выдавецтва

Камунікат.org – Беларуская Інтэрнэт-Бібліятэка

Пры выкарыстаньні матэрыялаў у друку спасылка на крыніцу інфармацыі абавязковая.
Пры выкарыстаньні матэрыялаў у Інтэрнэце прамая гіпэрспасылка на Kamunikat.org абавязковая.
Ідэя сайту Яраслаў Іванюк