Ніва 49 (2534)

Выбары ў Палату Прадстаўнікоў Рэспублікі Беларусь і правядзенне рэспубліканскага рэферэндуму на Беларусі даўно скончыліся. І напачатку было ўсё як і мінулыя разы. Старшыня Цэнтральнай выбарчай камісіі Лідзія Ярмошына абвясціла вынікі. Выбары адбыліся з першага тура. Апазіцыя ў парламент не трапіла. А на рэферэндуме Аляксандр Лукашэнка атрымаў упэўненую і пераканаўчую перамогу. Ды і сам прэзідэнт не сціплічаў, распавядаючы з блакітных экранаў пра ўсенародную падтрымку існай улады. Ён заявіў, што не „адміністрацыйны рэсурс”, а здаровы сэнс беларускага народа вырашыў ход парламенцкіх выбараў і рэферэндуму. Але потым пайшло неяк не так, як раней. Беларускі народ не стаў лікаваць і радавацца з сваёй маналітнасці, здаровага сэнсу і адзінадушша. Міжнародныя назіральнікі публічна, на прэс-канферэнцыі заявілі, што „парламенцкія выбары і рэферэндум не былі ні свабоднымі, ні дэмакратычнымі”. А апазіцыя распавядае пра неверагодную па сваіх маштабах фальсіфікацыю і што ў яе скралі перамогу. Ды і з „адміністрацыйным рэсурсам” узніклі праблемы. Старшыня КДБ Леанід Ерын адразу пасля рэферэндуму быў адпраўлены ў адпачынак. А як „адпачыў”, пайшоў у адстаўку. У народзе наконт гэтага ўжо пачалі складваць анекдоты. Кажуць, што можа варта было б на які месяц даць адпачыць прэзідэнту. Адпачыўшы, можа і ён адставіўся б... (В. Сазонаў, Паслявыбарчыя замалёўкі, фрагмэнт)

• Месца выхаду: Беласток
• Дата выхаду: 2004-12-05
• Рэдактар: Вапа Яўген
• Выдавец: Праграмная рада тыднёвіка Ніва
• Copyright: © 1999-2009 by Праграмная рада тыднёвіка Ніва
• Кнігазбор: Kamunikat.org