У Коўне праходзіць 10-ы Кангрэс даследчыкаў Беларусі


У літоўскім Коўне сёння пачаў працу дзясяты, юбілейны, Кангрэс даследчыкаў Беларусі.

У якім бяруць удзел 300 спецыялістаў з розных, пераважна гуманітарных, дысцыплін.

„У гэтым годзе вельмі складана было выехаць на Кангрэс даследчыкам з Беларусі”, – кажа галоўны арганізатар Кангрэсу з літоўскага боку, дацэнт унівесітэту Вітаўта Вялікага і дырэктар інстытуту Вялікага Княстава Літоўскага Русціс Камунтавічус:

– У гэтым годзе з Беларусі вельмі шмат людзей не маглі прыехаць не з-за кавіду, а з-за палітычных розных рэчаў. Вельмі складана было з візамі, але беларусы праехалі з Еўропы, гэта прыемна. Многа не беларусаў. Раней вельмі шмат украінцаў было, цяпер украінцаў менш, але многа літоўцаў, палякаў, з Нямеччыны, з іншых краін.

Кагрэс даследчыкаў Беларусі будзе працаваць да 2-га кастрычніка. Ён прадугледжвае не толькі акадэмічныя секцыі, але і дыскусіі па актуальных грамадска-палітычных тэмах з удзелам беларускіх і замежных экспертаў.

Беларускае Радыё Рацыя

Крыніца: Беларускае Радыё Рацыя