Naviband пра палітыку, творчыя планы ды салідарнасць

2020-10-07 22:33

:/:

Naviband прыехаў у Польшчу. У пачатку кастрычніка Арцём Лук’яненка і Ксенія Жук выступілі на канцэрце ў Беластоку. Гэта першае выступленне гурту ад пачатку жніўня.

Кажа Арцём Лук’яненка:

– Нас нікуды не запрашаюць, ну і канцэртаў ніякіх, нават дзяржаўных няма. Нічога не адбываецца з вядомых прычынаў. Мы прыехалі тут зайграць канцэрт. Тут ёсць людзі, якія хочуць нас пабачыць і спадзяюся каронавірус нам не перашкодзіць. Шмат мерапрыемстваў адмяняецца з-за каронавірусу, але такая неспадзяванка, нас запрасілі. Мы прыехалі выказаць салідарнасць.

У Польшчы Naviband плануе даць канцэрты ў іншых гарадах і запісаць новую песню.

Кажуць госці нашага радыё Арцём Лук’яненка і Ксенія Жук:

– У нас ёсць новая песня, мы яе тут запішам. Хочам пабачыцца з сябрамі і зрабіць такі невялікі перапынак. Знаходзіцца ў Менску даволі цяжка і складана ўвесь час. Кожнаму трэба крыху пераключацца. Гэта той момант, калі нам гэта трэба зрабіць.

– Я хацела сказаць, што гэтае пераключэнне зараз нам вельмі дапамагло.

Арцём Лук’яненка і Ксенія Жук спадзяюцца, што сёлета яны выступяць таксама ў іншых краінах.

Беларускае Радыё Рацыя

Крыніца: Беларускае Радыё Рацыя

Камунікат.org – Беларуская Інтэрнэт-Бібліятэка

Пры выкарыстаньні матэрыялаў у друку спасылка на крыніцу інфармацыі абавязковая.
Пры выкарыстаньні матэрыялаў у Інтэрнэце прамая гіпэрспасылка на Kamunikat.org абавязковая.
Ідэя сайту Яраслаў Іванюк