Нацыянальная праграма выдання гістарычных крыніц

У кожнай дзяржаве архіўная справа i ўсё, што з ёю звя­зана (у тым ліку i археаграфія), з'яўляецца асноваю для заканадаўчай дзейнасці. Менавіта ў старажытных архівах назапашваўся багаты вопыт, у ix адбіваліся асаблівасці таго ці іншага рэгіёна, на падставе якіх складваліся, выпрацоўваліся, фармуляваліся законы. Невыпадкова раней кожны павет i ме­ставы магістрат мелі свой архіў. I па тых законах, занесеных у Статуты ВКЛ, стагоддзямі жыла наша дзяржава. Але не будзем кранаць гісторыю, гэтаксама не буд­зем чапаць іншыя краіны, дзе архіўнай справе надаец­ца высокі дзяржаўны ўзровень. Варта нагадаць толькі, як пільна ставілася царская адміністрацыя да нашай беларуска-літоўскай спадчыны. Нездарма ў Археаграфічную камісію прыцягваліся лепшыя навуковыя сілы, бо толькі так можна было абгрунтоўваць сваё «гістарычнае» права на новадалу­чаныя абшары.

• Publication Place: Мінск
• Publication Date: 1999
• Publisher: Беларускі навукова-даследчы інстытут дакументазнаўства i архіўнай справы
• Category: History
• Book Collection: Kamunikat.org
• Supplementary Data: Падрыхтавана ў 1997—1998 гг. у аддзеле археаграфіі БелНДІДАС у рамках навуковай тэмы «Нацыянальная пра­грама публікацыі архіўнага фонду Рэспублікі Беларусь». Праект ухвалены на Вучонай Радзе Інстытута (31.03.1998). У распрацоўцы гістарычных раздзелаў (XIII—XIX стст.) сваімі парадамі, кансультацыямі, заўвагамі спрыялі гісторыкі i літаратуразнаўцы М. Біч, Д. Бохан Г. Галенчанка, А.Груша, А. Емяльянчык, А.Жлутка. У. Кароткі, Г.Кісялёў, А. Кіштымаў, П. Лойка, Р. Платонаў, I. Саверчанка, Г. Сагановіч, М. Спірыдонаў, В. Чамярыцкі, М.Шумейка. Цалкам тэкст Праекта з улікам заўваг i з усімі Дадаткамі-напрацоўкамі будзе апублікаваны ў матэрыялах Міжнароднай навуковай канферэнцыі «Праблемы беларускай археаграфіі»: Да 175-годдзя выходу ў свет «Беларускага архіва стара­жытных грамат"(11—12 сакавіка 1999 г.)