Народная Воля 97-98 / 2008

Кардынала Бертоне ў Мінску суправаджалі два афіцэры Службы бяспекі беларускага прэзідэнта Як вядома, з 18 па 22 чэрвеня з афіцыйным візітам у Мінску знаходзіўся Дзяржаўны сакратар Яго Святасці Папы Бенедзікта XVI кардынал Тарчызіо Бертоне. Святар прыляцеў у Мінск спецрэйсам у суправаджэнні двух ахоўнікаў і ўласнага сакратара. Амаль увесь час знаходжання ў Беларусі кардынала апекаваў пасол Беларусі пры Святым Пасадзе Сяргей Алейнік. Да высокага госця дадаткова прыставілі двух ахоўнікаў - афіцэраў Службы бяспекі прэзідэнта Рэспублікі Беларусь. Ніякіх эксцэсаў за пяць дзён знаходжання на беларускай зямлі дзяржсакратара Бенедзікта XVI не адбылося. Што да запрашэння Бенедзікту XVI наведаць Беларусь, якое агучыў Аляксандр Лукашэнка, то яснасці пакуль няма. Падчас прэс-канферэнцыі кардынал Бертоне адзначыў, што Папа Рымскі "атрымлівае вялізную колькасць запрашэнняў з краін Еўропы, Афрыкі і Азіі". Кардынал Бертоне паабяцаў садзейнічаць ажыццяўленню візіту Папы ў Беларусь, аде дадаў: "Я не магу вызначыць час".

• Месца выхаду: Менск
• Дата выхаду: 2008-07-02
• Рэдактар: Сярэдзіч Іосіф
• Выдавец: УК "Народная Воля"
• Copyright: © 2008 by Народная Воля
• Кнігазбор: Kamunikat.org
• Дадатковая даведка: Выдаецца з ліпеня 1995 на беларускай і рускай мовах; Адрас рэдакцыі: 220030 Мінск, вул. Энгельса 34а; прыёмная: тэл./факс (017) 3286871; тэл./факс рэкламнага аддзела: 3286904, 3286906; e-mail: nv@promedia.by; http://www.nv-online.info Выданьне публікуецца тут за ласкавай згодай Рэдакцыі