Народная Воля 89-90 / 2008

ЕС і ЗША ў чарговы раз заклікалі Беларусь вызваліць палітвязняў Еўрасаюз і ЗША заклікаюць беларускія ўлады да 'безумоўнага і неадкладнага вызвалення ўсіх палітзняволеных". Аб гэтым гаворыцца ў дэкларацыі, прынятай у Брдо (Славенія) па выніках саміту ЕС-ЗША. "Мы і надалей будзем лічыць беларускіх чыноўнікаў адказнымі за парушэнні правоў чалавека", -гаворыцца ў дакуменце. Удзельнікі саміту заявілі аб гатоўнасці садзейнічаць "прасоўванню дэмакратыі, вяршэнства закона і павагі да правоў чалавека" ў Беларусі. Акрамя таго, у дэкларацыі асуджаюцца "прымусовыя меры, прынятыя супраць дыпламатычнай місіі ў Беларусі". У сакавіку Міністэрства фінансаў ЗША ўвяло эканамічныя санкцыі ў дачыненні да канцэрна "Белнафтахім" у сувязі з пастаянным парушэннем правоў чалавека ў Беларусі. Паслы Беларусі і ЗША былі адкліканы з Вашынгтона і Мінска для кансультацый; штаты абодвух пасольстваў скарочаны да мінімуму.

• Месца выхаду: Менск
• Дата выхаду: 2008-06-19
• Рэдактар: Сярэдзіч Іосіф
• Выдавец: УК "Народная Воля"
• Copyright: © 2008 by Народная Воля
• Кнігазбор: Kamunikat.org
• Дадатковая даведка: Выдаецца з ліпеня 1995 на беларускай і рускай мовах; Адрас рэдакцыі: 220030 Мінск, вул. Энгельса 34а; прыёмная: тэл./факс (017) 3286871; тэл./факс рэкламнага аддзела: 3286904, 3286906; e-mail: nv@promedia.by; http://www.nv-online.info Выданьне публікуецца тут за ласкавай згодай Рэдакцыі