Народная Воля 87-88 / 2008

Ці прызнае Еўропа беларускія выбары? Беларусь губляе мільёны еўра па віне рэжыму Аляксандра Лукашэнкі. Такое меркаванне выказалі прадстаўнікі Аб'яднаных дэмакратычных сіл, якія нядаўна вярнуліся з Бруселя, дзе па ініцыятыве Еўрапарламента праходзіла спецыяльная канферэнцыя. "На бліжэйшыя гады па 2013 год Еўрасаюз усходне-еўрапейскім краінам выдзяляе прыкладна 12 мільёнаў еўра. Гэтыя грошы пойдуць на фінансаванне разнастайных праектаў - ад эканамічных да навуковых, — гаворыць старшыня Аб'яднанай грамадзянскай партыі Анатоль Лябедзька. - Узнікае пытанне, як там будзе прадстаўлена Беларусь? Бо прапаноўваюцца розныя сферы супрацоўніцтва - ад гуманітарнай да эканамічнай. У Беларусі ёсць шанц увайсці ў гэтыя 12 мільёнаў. Гэта пойдзе толькі на карысць грамадзянам Беларусі". Праўда, прэтэндаваць на фінансавую падтрымку з боку Еўропы можна толькі ў тым выпадку, калі беларускія ўлады вызваляць палітзняволеных, спыняць прэсінг незалежных сродкаў масавай інфармацыі, а таксама дэмакратызуюць выбарчы працэс у краіне. "Мяч сёння знаходзіцца на баку ўлады. I пра гэта павінны думаць людзі - выбаршчыкі, якія рэальна ад гэтага страчваюць", - гаворыць старшыня Партыі камуністаў Беларускай Сяргей Калякін.

• Месца выхаду: Менск
• Дата выхаду: 2008-06-13
• Рэдактар: Сярэдзіч Іосіф
• Выдавец: УК "Народная Воля"
• Copyright: © 2008 by Народная Воля
• Кнігазбор: Kamunikat.org
• Дадатковая даведка: Выдаецца з ліпеня 1995 на беларускай і рускай мовах; Адрас рэдакцыі: 220030 Мінск, вул. Энгельса 34а; прыёмная: тэл./факс (017) 3286871; тэл./факс рэкламнага аддзела: 3286904, 3286906; e-mail: nv@promedia.by; http://www.nv-online.info Выданьне публікуецца тут за ласкавай згодай Рэдакцыі