- Kamunikat.org
- Бібліятэка
- Кнігазборы
- Калекцыі
- Іншае
Прайшло 25 год з таго памятнага дня 30 кастрычніка 1988 года. У гісторыю Беларусі ён увойдзе як “Дзень разгону мітынгу на Маскоўскіх могілках”, які можна лічыць пачаткам адліку новага часу ў жыцці нашага народа, часу, звязанага з развалам Савецкага Саюза, крушэннем савецкай сацыялістычнай сістэмы, камуністычных ідэалаў і ўтварэння незалежнай беларускай дзяржавы. У той дзень упершыню за шмат гадоў сталінскага страху, брэжнеўскай стагнацыі і андропаўскай бязглуздай дысцыпліны тысячы мінчан, хто пехатой, хто на перакладных (бо не дзейнічала метро), з самай раніцы рухаліся да Маскоўскіх могілак, што ў мікрараёне “Усход”, каб адзначыць памінанне продкаў — “Дзяды”.